Manchester City ka fituar ndeshjen e parë ndaj Borussia Monchengladbach me rezultat 2-0 në kuadër të fazës së 1/8-tës në Ligën e Kampionëve.

Klubi anglez ka arritur të marrë një fitore të madhe në takimin e zhvilluar në Puskas Arena të Budapestit, shkaku i rregullave të shtrënguara në Gjermani për COVID-19.

Pjesa e parë e ndeshjes u karakterizua me dominim të plotë të ekipit të Pep Guardiolas, që përveç rasteve të shumta arritën të shënojnë edhe një gol.

Goli i vetëm në këtë pjesë erdhi në minutën e 29-të dhe ishte Bernardo Silva, i cili shënoi me kokë për 0-1 pas asistimit të Joao Cancelos.

Në pjesën e dytë, përsëri City ishte skuadër më e mirë, më kërkuesë duke krijuar më shumë raste dhe duke gjetur edhe një gol.

Goli i vetëm në këtë pjesë erdhi në minutën e 65-të dhe ishte Gabriel Jesus, i cili shënoi nga afërsia për 2-0 pas asistimit të Bernardo Silvas.

Deri në fund të ndeshjes pati edhe disa raste tjera për gol, por pa arritur t’i ndryshojnë shifrat dhe City iu gëzua një fitore të madhe 2-0.

Ndeshja kthyese zhvillohet në Etihad Stadium pas tri javësh apo me datë 16 mars. /Telegrafi/