Lukaku afër marrëveshjes me Interin, agjenti i tij i pakënaqur

Interi Milanit është afër ri-nënshkrimit me sulmuesin Romelu Lukaku nga Chelsea, por jo nuk i pëlqen aspak agjentit të tij, Federico Pastorello.

Sipas Federico Bergomi nga Calciomercato.com, Lukaku me shumë mundësi do të rikthehet te Interi gjatë verës.

Megjithatë, edhe pse sulmuesi belg dhe klubi italian do të ishin të lumtur me këtë marrëveshje, kjo nuk i pëlqen agjentit të tij, Pastorello.

Lexo po ashtu Interi nuk e përjashton më rikthimin e Lukakut

“E di që lojtarët e Interit i dërgojnë mesazhe Lukakut. Ata më thonë se ai është për t’u kthyer në shtëpi”, ka thënë fillimisht Bergomi.

“Paga është ulur, pagesa nuk do të jetë e komplikuar për shkak të problemeve të Chelseat. Nëse dikush mendon gabim, duhet thënë se negocimi kishte kohë që ishte angazhuar, kur ai dha intervistën në fund të dhjetorit”.

Lexo po ashtu Lukaku e kërkon me ngulm rikthimin te Interi, por situatën e tij po e ndjek edhe PSG

“I vetmi që nuk dëshiron ta sjellë atë është agjenti, sepse nëse e çon në vende të tjera si Tottenham apo PSG, ai mund të fitojë më shumë”.

“Por, këtë herë, për mendimin tim, ai hesht sepse tashmë ka fituar me transferimin te Chelsea dhe e dëgjon lojtarin”, përfundoi gazetari i Calciomercato. /Telegrafi/