0Shares

Vendimi i kombëtares së Spanjës për të shkarkuar Julen Lopeteguin një ditë para fillimit të Kampionatit Botëror, nuk ka befasuar vetëm adhuruesit e futbollit.

Është Joachim Low ai që ka reaguar pas këtij shkarkimi.

Përzgjedhësi i Gjermanisë nuk ka mundur ta kuptojë një vendim të tillë duke thënë se ai është befasuar.

“Unë isha po ashtu i befasuar dhe na erdhi prej asgjëje”.

“Nuk e kam idenë se ku qëndron prapavija e këtij vendimi nga Federata Spanjolle e Futbollit. Të them më ndryshe, nuk është gjë e pazakontë, është totalisht bombastike”.

“Do të ketë vështirësi dhe pak mos përshtatje. Fernando Hierro ka përvojë në menaxhim dhe mendoj se ai për një kohë ishte asistente te Reali. Ai kaloi te Valencia dhe ishte drejtues i strategjive soprtive, por nuk mund të cilësoj shumë vlerat e tij si trajner”.

“Sidoqoftë, Spanja ka qenë e bashkuar për vite të tëra. Ata kanë filozofi të qartë. Vetëm shikoni Barcelonën dhe Real Madridin që lënë gjurmë në kombëtare”

“Lojtarët njohin njëri-tjetrin dhe kështu ka qenë për shumë vjet, kështu që në fund të ditës Lopetegui ose jo, Spanja nuk do të humbë klasin dhe cilësinë e saj”, u shpreh Low.

Gjermania përballet me Meksikën në ndeshjen hapëse të Grupit F të shtunën. /Telegrafi/

Të Ngjajshme
Shfaq Komentet (0)