Kanye West shkel ligjin italian kundër terrorizmit duke mbajtur vazhdimisht maskë në fytyrë, mund të dënohet me gjobë

Kanye West po shkel ligjin italian duke mbajtur një maskë për fytyrën në publik gjatë pushimeve të tij me partneren Bianca Censori.

Sipas legjislacionit kundër terrorit dhe rendit publik, veshja e çdo gjëje që ‘pengon identifikimin e një individi’ është e paligjshme dhe dënohet me një gjobë maksimale deri në 2,000 euro.

Gjatë qëndrimit gjashtë javor të çiftit në Itali, reperi kontrovers është parë i veshur me maskë në Venecia, Firence dhe së fundmi në Milano ku morën pjesë në Javën e Modës.

Zyrtarët në Venecia po hetojnë tashmë Kanye dhe Bianca pasi u kapën në një ‘pozicion kompromentues’ në një taksi uji muajin e kaluar.

Ata ndezën polemika pasi reperi u pa me një veshje që i nxirrte në pah të pasmet e tij, ndërsa ajo ishte e gjunjëzuar para tij.

Në foto të tjera, Kanye, 46 vjeç, u pa i ulur në pjesën e pasme të taksisë së ujit me australiane Bianca, 28 vjeç, duke e vendosur kokën në prehrin e tij.

Policia e Venecias ka identifikuar tashmë drejtuesin e varkës dhe gjithashtu ka kërkuar që fotografët të dorëzojnë pamjet që janë parë në të gjithë botën.

Tani ka dalë se Kanye mund të përballet me hetime të mëtejshme për shkeljen e nenit 533 të ligjit italian të futur në 1977 për të luftuar terrorizmin e brendshëm.

Në vitin 2005, pas një morie mizorish të frymëzuara nga Islami, ligji u përditësua më tej duke ndaluar mbajtjen e helmetave, si dhe mbulimin e plotë të fytyrës.

Përjashtimet e vetme janë për arsye fetare dhe një autoritet me shkrim duhet të merret nga individi nga autoritetet lokale.

Sipas ligjit, “Ndalohet përdorimi i çdo artikulli që pengon identifikimin e një individi, në një vend publik ose në një vend të hapur për publikun, me një motiv të justifikueshëm”.

“Shkelja e këtij neni dënohet me gjobë prej 1000 Euro deri në maksimum 2000 Euro”.

Kanye u pa për herë të fundit në publik të premten në mbrëmje në Milano ku dha një intervistë për një radio lokale pasi mori pjesë në një shfaqje të stilistit Zanotti.

Përsëri, ai u intervistua me një mbulesë të plotë të fytyrës dhe kjo pason një paraqitje të ngjashme në Firence, ku ai u fotografua i veshur me të njëjtën veshje.

Atje ai dhe Bianca realizuan një fotosesion të zhurmshëm – ndërsa ai kishte veshur një maskë të zezë për fytyrën dhe xhaketë sportive – dhe ajo veshi një nga kostumet e saj tashmë famëkeqe ‘lakuriq’.

Kanye u nis për në Milano nga Firence vetëm dhe Bianca nuk është parë që nga e premtja.

“Veshja e çdo sendi që mbulon fytyrën dhe e bën të vështirë për një person që të identifikohet nga forcat e sigurisë publike është një shkelje”, tha avokati Angelo Russo tha për MailOnline.

“Ligji u prezantua fillimisht gjatë viteve 1970 kur Italia vuante nga terrorizmi i brendshëm dhe më pas u shtrëngua më tej pas sulmeve terroriste ndërkombëtare. Natyrisht që ka përjashtime që do të tolerohej të mbash një shall apo kapuç në fytyrë gjatë dimrit.

Por, mbajtja e një mbulese të plotë të fytyrës në çdo kohë tjetër, veçanërisht në mot të mirë, nuk do të shihej si e arsyeshme dhe policia do të kishte leje të ndalonte dhe të merrte në pyetje individin”, theksoi avokati.

Zyrtarët në Venecia po hetojnë nëse çifti është kryer ndonjë ‘shkelje në kundërshtim me mirësjelljen publike’ dhe nëse po, kjo dënohet me gjobë.

Venecia ka një listë të gjatë aktesh nënligjore për dekorimin publik, duke përfshirë notin në kanale, piknikët në ajër të hapur dhe shtrirjen në shkallët e ndërtesave publike. /Telegrafi/