Kanye West punëson avokatin e Melinda Gates për divorcin nga Kim Kardashianin

Reperi i njohur, Kanye West ka punësuar një avokat i cili ka shumë përvojë në përfaqësimin e miliarderëve në divorc, ai është ish-avokati i Melinda Gates, Robert Stephan Cohen.

Një përfaqësues i partnerit të vjetër në Cohen Clair Lans Greifer Thorpe & Rottenstreich LLP konfirmoi për Page Six të mërkurën (28 shtator) se West së fundmi e angazhoi atë si këshilltar për divorcin e reperit nga Kim Kardashiani.

Meqenëse Cohen ndodhet në New York, TMZ raportoi se West, 45 vjeç, ka punësuar edhe avokatin Nicholas A. Salick në Kaliforni, ku po gjykohet çështja.

Në vitin 2021, Cohen, 83 vjeç, foli për procesin e tij në trajtimin e divorceve të të famshmëve, duke përfshirë tërheqjen e pasqyrave financiare, shqyrtimin e detajeve të aseteve të klientit të tij dhe kryerjen e një interviste hyrëse 90-minutëshe rreth “psikologjisë se si të trajtohet divorci”.

“Ka pjesën e keqe, shkatërrimin e një martese. Por ana tjetër e kësaj është që ne u japim atyre një jetë të re”, tha avokati.

Chris Rock, i cili punësoi Cohen për ta përfaqësuar atë në divorcin e tij nga gruaja e tij prej 20 vitesh, Malaak Compton-Rock, kishte deklaruar se prania e qetë e avokatit të tij e ndihmoi atë të kalonte një “kohë shumë të vështirë” në jetën e tij.

“Avokatët e divorcit janë si mjekët në një mënyrë të çuditshme. Ata duhet të kenë një sjellje të mirë. Dhe Bob ka një mënyrë shumë të mirë, qetësuese. Ju lejon të shihni pamjen e madhe. Ai shpjegon realitetin e situatës”, kishte thënë komediani për avokatin.

Në një nga rastet e tij më të profilit të lartë, Cohen ndihmoi Gates, në divorcin e saj nga Bill Gates me një pagesë të vlerësuar prej rreth 76 miliardë dollarësh.

Cohen është avokati i pestë i West në këtë çështje divorci, pasi artisti miliarder ka pasur disa avokatë që e përfaqësojnë atë gjatë një viti e gjysmë të kaluar.

Në mars, themeluesi i “Yeezy” shkarkoi avokatin Chris Melcher pak përpara një seance gjyqësore të paracaktuar.

Burimet i thanë TMZ në atë kohë se West e largoi avokatin sepse marrëdhënia e tyre “ishte bërë jashtëzakonisht e vështirë, me pak komunikim”.

Babai i katër fëmijëve më pas angazhoi Samantha Spector, por ajo vendosi të largohej veten nga çështja vetëm dy muaj më vonë në maj.

Nuk u zbuluan detaje të sakta rreth largimit të saj, por Spector renditi “një prishje të papajtueshme në marrëdhëniet avokat-klient” si shkak.

Kim Kardashian paraqiti kërkesën për divorc në shkurt 2021 pas gati shtatë vitesh martesë. Ish-çifti u shpallën ligjërisht beqar këtë mars. /Telegrafi/