Heidi Klum shkëlqen me të bijën në Festivalin e Filmit në Kanë, ndërsa marrin pjesë në mbrëmjen gala të mbledhjes së fondeve për HIV/AIDS

Heidi Klum dhe vajza e saj Leni u siguruan që të gjithë sytë ishin mbi to të enjten, teksa mbërritën në gala mbrëmjen vjetore të ‘amfAR Cinema Against AIDS’ gjatë Festivalit të 77-të të Filmit në Kanë.

Supermodelja 50-vjeçare, me një fustan të mrekullueshëm ngjyrë rozë, i krijuar nga shtresa voluminoze të tylit. Fustani avangard i përshtatej ngushtë në bel para se të vazhdonte me një bisht dramatik, duke lënë në shfaqje këmbët e saj të tonifikuara. Heidi shtoi disa centimetra shtesë në siluetën e saj tashmë të gjatë me një palë taka të stilit stileto.

Ndërsa, Leni, 18 vjeçe, bëri një kontrast me të ëmën e famshme duke zgjedhur një fustan të zi të ngushtë, që linte pak vend për imagjinatën, shkruan DailyMail.

Fustani i saj i guximshëm rrjetë ishte plotësisht i tejdukshëm, duke lejuar një shikim të figurës së saj të hollë të trupit nën të, ndërsa trëndafilat tridimensionalë ishin vendosur strategjikisht mbi bust dhe bel për të ruajtur modestinë e saj.

Modelja kiste vendosur një palë doreza rrjetë që përputheshin me dukjen dhe rriti lartësinë e saj me një palë takë të larta të zeza.

Leni përfundoi veshjen e saj me një zinxhir diamanti shkëlqyes, ndërsa fiksonte flokët e saj të errët mbrapa në një stil të sofistikuar gjysmë të mbledhur.

Duke qenë një nënë krenare, Heidi u përqafua me vajzën e saj në tapetin e kuq dhe i dhuroi asaj një puthje të ëmbël në faqe.

Bukuroshja gjermane më vonë ndërroi veshjen dhe kaloi në një fustan të guximshëm të bardhë.

Heidi i tregoi të gjitha në një fustan transparent të veshur plotësisht me dije, duke ekspozuar figurën e saj sensacionale nën të. Duke rritur temperaturat, ajo u shfaq pa sytjena nën fustanin që tërhoqi vëmendjen dhe i dha një shikim të shkurtër të të brendshmeve të saj.

Heidi ndan vajzën Leni me ish-të dashurin e saj, biznesmenin Flavio Briatore, por ish-bashkëshorti i saj Seal zyrtarisht e adoptoi Lenin në vitin 2009, katër vjet pasi u martua me Heidin.

Leni më pas ndryshoi emrin e saj në Helene Samuel, duke pasqyruar emrin e vërtetë të këngëtarit Henry Samuel, megjithëse ajo bën karrierë profesionale si Leni Olumi Klum.

Çdo vit, gala mbrëmja e mbajtur në Kanë sjell një sërë yjesh në jug të Francës për të rritur ndërgjegjësimin dhe mbledhur fonde për organizatën jofitimprurëse.

Festivali i Filmit në Kanë është festivali më i madh i filmit në botë, i cili u krijua për herë të parë në vitin 1939 si një alternativë ndaj Festivalit të Filmit në Venecia që në atë kohë ishte i ndikuar nga fashizmi.

Ai është mbajtur çdo vit që nga viti 1946, përveç viteve 1948 dhe 1950, kur u anulua për shkak të mungesës së fondeve. Çmimi kryesor i Kanës është Palme d’Or, ose Palma e Artë. Ndër vite filma të famshëm e kanë fituar këtë çmim, si: “Taxi Driver”, “Apocalypse Now”, “Pulp Fiction”, “The Pianist” dhe “Parasite”.

Jane Campion u bë regjisorja e parë femër që fitoi në vitin 1993 me “The Piano”, pasuar nga një boshllëk prej gati tre dekadash derisa Julia Ducournau mori çmimin për “Titane” në vitin 2021. Justine Triet u bë vetëm regjisorja e tretë femër që fitoi çmimin vitin e kaluar me filmin “Anatomy of a Fall”.

Festivali i Filmit në Kanë zyrtarisht filloi më të martën në mbrëmje ndërsa yjet e kinemasë ecnin në tapetin e kuq në teatrin luksoz “Grand Theatre Lumiere” për të nderuar aktoren e Hollywood-it Meryl Streep përpara se të shikonin filmin e hapjes së këtij viti, të titulluar “The Second Act”. /Telegrafi/