Greta Koçi me letër publike pas lajmit se xhaxhai i saj përdorte emrin e këngëtares për mashtrim vizash

Dje (e mërkurë) mediat shqiptare raportuan për vendimin e gjykatës shqiptare rreth xhaxhait të këngëtares Greta Koçi, Shkëlqim Koçit.

Ky i fundit është dënuar me shtatë vite burg për mashtrim, ndërsa kishte përdorur karrierën e artistes si garancion për të bërë viza për shqiptarët.

I njëjti u kishte premtuar se do t’i bënte viza për Amerikë dhe Kanada, duke i bërë ata si pjesë e stafit të Gretës megjithëse kjo e fundit mban shumë koncerte përtej oqeanit Atlantik.

View this post on Instagram

Hello 🇦🇱 Uroj te jeni mire kudo ku ndodheni 🙏 Lini komentin tuaj nga ku me ndiqni dhe si po i kaloni keto dite te mbyllur ne shtepi?! #uneqendrojneshtepi #staysafe #stayhome #selfquarantine

A post shared by GRETA KOCI (@gretakoci1) on Mar 18, 2020 at 8:29am PDT

Megjithatë, e vërteta është sqaruar nga vet këngëtarja, e cila në bazë të letrës publike ka thënë se nuk ishte në dijeni rreth kësaj ngjarjeje.

Letra e hapur e Greta Koçit:

“Të nderuar miq,

Ditën e djeshme është publikuar një artikull në disa nga portalet vendase, i cili mban emrin tim. Dua të bëj publike se ky artikull është totalisht i PAVËRTETË dhe nuk ka asnjë lloj lidhjeje me mua!

E kuptoj që portalet përdorin emrat e artistëve për të gjeneruar klikime dhe para, POR kjo nuk do të thotë që kanë të drejtë të shpifin e të njollosin emrin tim apo të kujtdo tjetër. Këtë emër, e kam ngritur me shumë punë, mundim dhe me mbështetjen e një publiku fantastik. Nuk ka të drejtë ASKUSH, ASKUSH të shkelë mbi të.

Aq sa dini ju për këtë “artikull”, aq di dhe unë. Në të përmendet se një nga anëtarët e fisit tim (xhaxhai), është i përfshirë në një proçes gjyqësor. Për këtë unë nuk jam as e përfshirë dhe as nuk kam njohurinë më të vogël.

Të dashur miq që më keni mbështetur gjatë gjithë karrierës sime, në çdo segment jetësor unë përfaqësoj vetveten. Asnjë njeri tjetër nuk më përfaqëson mua, qoftë juridikisht apo moralisht. Askush nuk ka të drejtë të thirret në emrin tim sikurse as unë në emrin e tjetrit. Veprimet e secilit janë personale dhe është e padrejtë të referohen mbi mua, vetëm pse unë njihem në publik”. /Telegrafi/

View this post on Instagram

Të nderuar miq, Ditën e djeshme është publikuar një artikull në disa nga portalet vendase, i cili mban emrin tim. Dua të bëj publike se ky artikull është totalisht i PAVËRTETË dhe nuk ka asnjë lloj lidhjeje me mua! E kuptoj që portalet përdorin emrat e artistëve për të gjeneruar klikime dhe para, POR kjo nuk do të thotë që kanë të drejtë të shpifin e të njollosin emrin tim apo të kujtdo tjetër. Këtë emër, e kam ngritur me shumë punë, mundim dhe me mbështetjen e një publiku fantastik. Nuk ka të drejtë ASKUSH, ASKUSH të shkelë mbi të. Aq sa dini ju për këtë “artikull”, aq di dhe unë. Në të përmendet se një nga anëtarët e fisit tim (xhaxhai), është i përfshirë në një proçes gjyqësor. Për këtë unë nuk jam as e përfshirë dhe as nuk kam njohurinë më të vogël. Të dashur miq që më keni mbështetur gjatë gjithë karrierës sime, në çdo segment jetësor unë përfaqësoj vetveten. Asnjë njeri tjetër nuk më përfaqëson mua, qoftë juridikisht apo moralisht. Askush nuk ka të drejtë të thirret në emrin tim sikurse as unë në emrin e tjetrit. Veprimet e secilit janë personale dhe është e padrejtë të referohen mbi mua, vetëm pse unë njihem në publik. Nuk kam shkelur dhe nuk do shkel kurrë asnjë rregull. Veprimet, qoftë të bukura apo të dëmshme të njerëzve të tjerë, për mua janë të huaja dhe nuk pranoj asnjëherë të ndërlidhem me ASNJË prej tyre. Sidoqoftë, lidhjet familjare nuk i diktojmë ne, ato janë të diktuara para se ne të shkelim në këtë botë. Unë mbaj përgjegjësi vetëm për veprimet e mia dhe të asnjë njeriu tjetër, kushdo qoftë ai apo ajo. Shënim: Kjo letër është e lejueshme të merret nga të gjithë mediat, në mënyrë që të mbyllet një herë e mirë ky fallcitet! Faleminderit, Greta Koçi

A post shared by GRETA KOCI (@gretakoci1) on Apr 2, 2020 at 4:29am PDT