Gjiko rrëfehet për “Fajet”, shpalos detajet e bashkëpunimit më të ri me Skerdin (Video)

Reperët Skerdi dhe Gjiko, kanë përfunduar së fundmi përgatitjet për projektin tyre më të ri, këngën dhe klipin “Faje”.

Në një prononcim ekskluziv për Telegrafin, Gjiko rrëfen detajet e këtij bashkëpunimi mjaft interesant.

“Kënga është realizuar në mes të treshes Big Bang, Skerdi dhe nga vet unë, ndërsa tekstin gjithashtu e kam shkruar vet. Është një këngë ritmike verore, e cila shpresoj të pritet mirë nga publiku”, tha Gjiko për Telegrafin.

Në vazhdimin e bisedës, reperi tregon edhe për tematikën që trajton kënga e re e dyshes, e cila që nga titulli na asocion në “faj”.

“Kënga e re flet për fajet në një lidhje dashurie, edhe pse e dimë që faji gjithmonë mbetet jetim”, tregon reperi.

Ditë më parë kanë përfunduar edhe xhirimet e klipit, të cilat janë kryer në vende bregdetare dhe do të sjellin një atmosferë verore në projektin e tyre të ri.

“Xhirimet e klipit janë kryer me produksionin Entermedia, kemi xhiruar në një pjesë të Shkodrës, por edhe në bregdet, kështu që klipi do të jetë mjaft veror dhe i përshtate sezonës”, tha reperi për Telegrafin.

Gjiko do të jetë mjaft i angazhuar këtë verë me koncerte dhe projekte të reja. Për Telegrafin, reperi tregon se vera 2017 do të jetë mjaft e angazhuar me të.

“Do të jem mjaft i angazhuar nga tani deri në fund të verës, me projekte të reja në muzikë, por gjithsesi koncertet janë angazhimi më i madh”, përfundoi Gjiko rrëfimin e tij.

Telegrafi ju sjell ekskluzivisht edhe trailerin e klipit të ri nga Skerdi dhe Gjiko, të punuar nga Entermedia.

Kënga publikohet nesër (e diele) në ora 13:00. /Telegrafi/