G Bani përlotet në emision: Jam penduar, preva në besë produksionin

Ish-banori i Big Brother VIP, G Bani, ishte i ftuar së fundmi në emisionin “Big Brother Radio”, ku ndau mendimet dhe ndjesitë e tij pas përjashtimit nga formati. Artisti i njohur u largua me zarf të zi javën e kaluar, duke përfunduar kështu rrugëtimin e tij në reality show.

Në intervistën e tij, ai bëri një analizë më të hollësishme të strategjisë së tij brenda shtëpisë, diskutoi për lojën e banorëve të tjerë dhe komentoi situatat më të spikatura të ditëve të fundit. G Bani pranoi se ndjen pendesë për mënyrën se si përfundoi rrugëtimi i tij, por jo për veprimin që çoi në përjashtimin e tij.

“Jam penduar, por jo se i bëra atë gjë atij. Jam penduar sepse preva në besë produksionin që më besoi për të qenë pjesë e këtij formati. E di shumë mirë që produksioni nuk toleron asgjë të tillë,” – u shpreh ai.

Lexo po ashtu G Bani flet në studio pas përjashtimit: Nuk e sulmoi një shqiptar i Shqipërisë një të Kosovës - unë vet kam prejardhje të largët nga Gjakova

Ai gjithashtu u shpreh i zhgënjyer nga komentet në rrjetet sociale, ku disa aludonin për një marrëdhënie të privilegjuar me produksionin. “Më vinte të ulërija kur lexoja komente që thonin se unë i kisha gjërat mirë me produksionin. Top Channel nuk ka mbajtur kurrë askënd me hatër, nuk ka mbajtur politikanë e të fortë, nuk ka pse të mbajë G Banin”, tha ai.

Lidhur me daljen e tij në “Prime” të së martës, ai pranoi se u ndje keq kur moderatori Ledion Liço gjykoi veprimin e tij. “Jam ndjerë dje kushedi sa fajtor dhe sa keq, kur Ledioni gjykoi atë që kam bërë”, – rrëfeu ai.

Momenti më emocional i intervistës erdhi në fund, kur G Bani nuk mundi të mbante lotët duke kujtuar një moment të veçantë brenda shtëpisë. Ai kërkoi falje ndaj njërit prej banorëve për mosrespektimin e një këshille të dhënë prej tij. “Njërit nga zërat e çunit brenda shtëpisë i kërkoj falje… më kishe thënë ‘prej lufte veç ai largohet’… dhe unë nuk ta respektova dot këtë”, – tha ai mes lotëve.

Intervista e tij ngjalli shumë reagime në rrjet, me fansat që ndanë mendime të ndryshme rreth pendesës dhe reflektimit të tij pas përjashtimit nga BBVA. /Telegrafi/