Liga e Kampionëve ka zgjedhur formacionin më të mirë të ndeshjeve të zhvilluara në mesjavë të vlefshme për fazën e eliminimit direkt.

Mbrëmjet e të martës dhe mërkurës na rikthyen ethet dhe emocionet e Ligës së Kampionëve me ndeshje nga faza e eliminimit direkt.

Në këtë mesjavë u zhvilluan katër ndeshje interesante, ku dy erdhën të martën dhe dy tjera të mërkurën.

Nuk ka fitues në Anfield mes Liverpoolit dhe Bayernit, gjithçka vendoset në ndeshjen e kthimit Nuk ka fitues në Anfield mes Liverpoolit dhe Bayernit, gjithçka vendoset në ndeshjen e kthimit

Gjatë të martës, ndeshjet në mes të Lyon-Barcelona dhe Liverpool-Bayern Munich, nuk sollën asnjëra gola.

Në anën tjetër, nuk mund të thuhet ashtu edhe për të mërkurën pasi Atletico Madridi mposhti 2-0 Juventusin, ndërsa Manchester Unitedi fitoi 3-2 te Schalke.

Edhe në këtë javë sikurse në javët kur ka ndeshje tjera, Liga e Kampionëve ka zgjedhur formacionin më të mirë.

Manchester City e rikthen rezultatin në fund dhe bën hap të madh drejt çerekfinales Manchester City e rikthen rezultatin në fund dhe bën hap të madh drejt çerekfinales

Skuadra me më së shumti lojtarë është ajo angleze Man City, e cila përfaqësohet me katër lojtarë, ndërsa Atletico dhe Bayerni me nga dy sosh.

Lyoni ka një lojtar në formacionin e javës, ndërsa një vjen edhe nga Barcelona.

Formacioni i Ligës së Kampionëve: Lopes; Hummels, Godin, Alaba; Gimenez, Bentaleb, David Silva, Alba; Sterling, Aguero, Sane. 

/Telegrafi/