Fabregas: Messi u kritikua në vitin e parë të Luis Enriques, por më pas Barcelona fitoi tripletën

Cesc Fabregas është njëri nga njerëzit që e njeh më mirë Lionel Messin, pasi u ngjit në radhët e të rinjve të Barcelonës në të njëjtën grupmoshë dhe spanjolli ka dalë në mbrojtje të mikut të tij të ngushtë mes kritikave për argjentinasin.

Mesfushori i Monacos foli për fitoren 1-0 të Paris Saint-Germain në raundin e 1/16-të të Ligës së Kampionëve ndaj Real Madridit , dhe mendon se Los Blancos kanë marrë qasjen e gabuar.

“Real Madridi u tërhoq që në fillim dhe kjo nuk është kurrë një shenjë e mirë”, ka thënë fillimisht Fabregas për Mundo Deportivo.

“Ata gjithashtu nuk dinin si ta mbanin topin për një kohë të gjatë, pavarësisht se kishin lojtarë si Casemiro, Kroos dhe Modric, të cilët kanë fituar tre Liga të Kampionëve radhazi”.

“Benzema dhe Mendy nuk ishin 100 për qind të aftë dhe ata e paguanin për këtë. Fizikisht, PSG ishte përpara”.

Messi u kritikua për paraqitjen e tij kundër Real Madridit, por Fabregas nuk pajtohet me këto vlerësime.

“Kam lexuar gjëra nga njerëz që nuk duhet ta kenë parë atë të luajë kundër Real Madridit”.

Looking for space 👀#UCL | #PSGRM pic.twitter.com/DlCeG6Dulj

— Paris Saint-Germain (@PSG_English) February 15, 2022

“Ai luajti një lojë të mirë. E futi Mbappen në portë në pjesën e parë me një pasim që asnjë nga 21 lojtarët e tjerë nuk mund ta bënte”.

“Ai humbi një penallti. Po çfarë? Të gjykosh për këtë më duket qesharake”.

“Më kujtohet viti i parë i Luis Enriques si trajner i Barcelonës në të cilin Messi u kritikua shumë. Kishte një krizë rreth kësaj. Pastaj Barcelona fitoi tripletën. Tani diçka e ngjashme mund të ndodhë”.

“Unë e kuptoj që historitë duhet të shiten, por ne po flasim për një lojtar që mund t’ju bëjë të hani fjalët tuaja në një sekondë”.

“Me Messin duhet të jesh gjithmonë i kujdesshëm, për çdo rast. Ka shumë të tjera për të ardhur”, përfundoi spanjolli. /Telegrafi/