Drejtuesit e Interit janë të gatshëm të takohen me Chelsean për të diskutuar transferimin e Lukakut

Sipas raporteve të shumta të mediave në Itali, drejtuesit e Interit dhe Chelseat janë gati të takohen për të diskutuar rikthimin e Romelu Lukakut në Stadio Giuseppe Meazza.

Lukaku dëshiron të luajë sërish për Nerazzurrët dhe Blutë janë të hapur për ta kthyer lojtarin në Itali si huazim.

Sipas Il Corriere dello Sport dhe Sky Sport Italia, drejtorët e Interit dhe Chelseat së shpejti do të kenë një kontakt të drejtpërdrejtë për të diskutuar detajet financiare të marrëveshjes.

Lexo po ashtu Lukaku nga e marta do të rifillojë punën që t’i thotë lamtumirë Chelseat, Interi në pritje

Chelsea dëshiron rreth 20 milionë euro për huazimin e Lukakut deri në qershor 2023 dhe mund të ulë kërkesat e tyre ekonomike vetëm nëse një lojtar i Interit përfshihet në marrëveshje.

Lukaku , l’Inter ci crede con la carta Dumfries. E per il prestito ora è pronta a pagare https://t.co/eTwfzlk88s

— La Gazzetta dello Sport (@Gazzetta_it) June 15, 2022

Gjigantët e Serie A duhet të finalizojnë marrëveshjen deri më 30 qershor, fundi i vitit financiar, për të përdorur dekretin e rritjes dhe për të marrë një ulje prej 50 për qind për pagën bruto të lojtarit.

Sipas La Gazzetta dello Sport, Denzel Dumfries kërkohet nga Blutë, por siç janë gjërat, nuk ka marrëveshje për vlerën e lojtarit. /Telegrafi/