Tabela e Ligës Premier do të dukej shumë më ndryshe nëse nuk do të përdorej VAR-i

Brentford do të kishte zënë vendin e Aston Villas në Ligën Konferencën, nëse VAR-i nuk do të përdorej këtë sezon.

Por, përkundër një sezoni me disa vendime kontroverse dhe disa polemikave, asnjë nga pozicionet e tjera nuk do të ndryshoheshin.

SunSport ka analizuar çdo vendim të ndryshuar pas ndërhyrjes në VAR këtë sezon – 114 në total – dhe ka përpunuar rezultatet e ndeshjes nëse vendimet origjinale kishin qëndruar.

Lexo po ashtu Super kompjuteri parashikon top 10 më të mirët e sezonit të ardhshëm në Ligën Premier -zhgënjim për Chelsean dhe Arsenalin

Kjo përfshinte 54 gola të anuluar – përfshirë 36 për thirrje jashtë loje – dhe vetëm 13 gola të dhënë, ndërsa 27 goditje për penallti u dhanë dhe 12 penallti u anuluan.

Studimi i mediumit anglez tregon se Newcastle kishte edhe më shumë vendime në favor të tyre.

Pesë skuadra – Chelsea, Everton, Leeds, Manchester City dhe Southampton – të gjitha përfituan nga vendimet e VAR në vetëm tri raste, ndërsa Fulham kishte vetëm dy vendime të ndryshuara kundër tyre.

Lexo po ashtu Reagimi i Granit Xhakës kur tifozi i Arsenalit ia përmend bashkëshorten

Mirëpo, analiza e SunSport tregon se ndryshimet ndikuan vetëm paksa në renditjen përfundimtare pas 380 ndeshjeve të luajtura midis gushtit dhe të dielës.

Katër të parat nuk do të ndryshonin, megjithëse City do ta kishte fituar ligën me 12 pikë diferencë në vend të pesë.

Brighton, duke fituar dy pikë më shumë, do të kapërcente Liverpoolin – gjashtë pikë më pak – në vendin e pestë edhe pse të dy do të ishin ende në vendet e Ligës së Evropës.

Lexo po ashtu Tifozët e Evertonit ‘falënderojnë’ shishen e Jordan Pickford që ua sigurojë mbijetesën në Ligën Premier

Ndërsa, Brentford do të kishte qenë dy pikë më mirë dhe i shtati pasi Aston Villa ishte 11 pikë më mirë si rezultat i vendimeve të ndryshuara.

Në të vërtetë, nëse “goli” i parë i Deniz Undav në Villa Park të dielën nuk do të ishte përjashtuar për një pozicion jashtë loje, Spurs do të kishin përfunduar në vendin e shtatë në tabelën aktuale.

Më tej në ligë, tabela sheh Chelsean dhe Crystal Palacen të shkëmbejnë vendet në vendin e 11-të dhe 12-të dhe Nottingham Forest duke kaluar mbi West Ham dhe Bournemouth në vendin e 14-të.

Lexo po ashtu Tifozët mendojnë se e dinë atë që Mudryk i tha kamerës gjatë xhiros së fundit të Chelseat në Ligën Premier

Megjithatë, ndërsa katër vendet e fundit do të kishin fituar të gjithë më shumë pikë – pesë në rastin e Leedsit të rënë – pozitat e fundit do të kishin mbetur saktësisht të njëjta, me Everton që qëndronte me një pikë të vetme në vend se dy pikë diferencë në renditjen zyrtare. /Telegrafi/