Aktivistët gjermanë të klimës bllokojnë hekurudhat për të protestuar kundër minierave të qymyrit

Aktivistët e klimës bllokuan shinat hekurudhore në Gjermaninë veriperëndimore për të protestuar ndaj planeve të minierave të qymyrit në vend.

Dhjetëra aktivistë të klimës u lidhën me zinxhirë në shinat që çojnë në termocentralin me linjit Neurath, në pronësi të kompanisë së energjisë RWE.

“Termocentrali Neurath me qymyr (një nga ndotësit më të mëdhenj të CO2 në Evropë) është i bllokuar. Ne i pushtojmë shinat hekurudhore përgjithmonë”, thanë aktivistët në Twitter.

📢The yellow finger made it successfully to the action target as well🎉

🛠️The coal power plant #Neurath (one of Europe's largest CO2-polluters) is blocked✊🏼 We occupy the railway tracks for good🔥

Shut down neoCO2lonial #FossilCapital. Everywhere.#LütziBleibt

📸@fein_frisch pic.twitter.com/XCgPxlxSJR

— Ende Gelände International #StopColonialViolence (@ende_gelande) January 17, 2023

Dhjetëra aktivistë të tjerë pushtuan një ekskavator në vendin e minierës së linjitit Inden në orët e para të mëngjesit.

“Çdo ton qymyr i nxjerrë këtu nxit më tej krizën klimatike – me pasoja katastrofike. Ne e marrim drejtësinë klimatike në duart tona dhe ndalojmë ekskavatorin dhe rripin transportues”, thuhet në mediet sociale.

The pink finger blocks the Inden open pit mine 💪

Every ton of coal that is extracted here continues to fuel the climate crisis – with catastrophic consequences. We take climate justice into our own hands and stop the excavator and conveyor belt ✊#KeepItInTheGround pic.twitter.com/Yp3UvS7usd

— Ende Gelände International #StopColonialViolence (@ende_gelande) January 17, 2023

Një demonstratë e madhe u zhvillua gjithashtu pranë fshatit Lutzerath, i cili u dëbua me forcë nga policia javën e kaluar për të zgjeruar një minierë qymyri aty pranë.

Një zëdhënës i grupit mjedisor Ende Gelande, i cili organizoi demonstratën tha se aktivistët e klimës do të vazhdojnë veprimet e tyre të mosbindjes civile për të ndaluar minierat e qymyrit në rajon.

Javën e kaluar, kompania energjetike RWE filloi prishjen e ndërtesave në fshatin e braktisur për të zgjeruar minierën e qymyrit Garzweiler.

Kompania tha në një deklaratë se qymyri nën Lutzerath është i nevojshëm për të “përdorur sa më mirë” flotën e linjitit gjatë krizës energjetike.

Sipas një marrëveshjeje midis qeverisë dhe RWE, kompania do të çojë përpara heqjen e qymyrit për tetë vjet dhe do t’i japë fund prodhimit të energjisë me linjit deri në vitin 2030. /Telegrafi/