Bashkatdhetarët që jetojnë në vende të ndryshme të botës, zakonisht pushimet verore i kalojnë në Kosovë, në vendilndje.
Gajtë muajve korrik e gusht, Aeroporti “Adem Jashari” në Prishtinë është plot gjallëri dhe emocione që sjellin me vete bashkatdhetarët.
Një pjesë të ditës së mërkurë ekipi i Telegrafit qëndroi së aeroportin “Adem Jashari”, për t’i pritur bashkatdhetarët dhe për t’iu uruar mirëseardhje në Kosovë.
Hisen Beqa, që kishte ardhur nga Gjermania në Kosovë tha se një pjesë të pushimeve do ta kalojë në Kosovë dhe një pjesë në Shqipëri.
“Prej Gjermanisë mbërritëm këtu do të qëndrojmë 10 ditë, nuk është e mjaftueshme në vendlindje por nuk po mundemi më shumë. Pushime do t’i kalojmë pesë ditë këtu dhe pesë ditë në bregdetin e Shqipërisë. Tre mijë euro i sollëm në Kosovë kësaj radhe sepse po vijmë shpesh këtu”, tha Beqa.
Zakonisht mërgimtarët kur vijnë në Kosovë për pushime me vete sjellin dhe dhurata të ndryshme, por edhe të holla gjithashtu duke kontribuar në përmirësimin e ekonomive familjare të Kosovës.
Adelina Kelani –Mazreku që kishte ardhur nga Frankfurti i Gjermanisë tha se kishte sjellë rreth 1 mijë euro për të afërmit në Kosovë.
“Nga Frankfurti erdhëm, në Kosovë kam me qëndrua dy muaj. Nuk po na kërkojnë asgjë ne vetëm prej dëshirës tonë prej mallit që kemi po iu sjellim diçka, si rroba edhe të holla po ashtu. Unë ua solla 1 mijë euro familjarëve”, tregoi ajo.
Në valigjen e një bashkatdhetari që vjen në Kosovë nuk ka si të mungojnë edhe pakot me çokollata. Liridon Rexha tha se ka u sjellur çokollata familjarëve nga Gjermania duke mos përjashtuar edhe dhuratat e tjera.
“Unë erdha prej Gjermanisë në Kosovë kam me qëndrua dhjetë ditë. Të afërmve në Kosovë u munduam të iu sjellim nga të gjitha gjërat nga pak. Mirëpo çokollata iu sjella më shumë. Më herët më shumë na kanë kërkuar para me iu sjell kurse tash jo, nuk po ankohen si më herët i kemi rralluar prurjet e të hollave”, u shpreh Rexha.
Për t’i kaluar pushimet në vendlindje kishin ardhur edhe bashkatdhetarë nga diaspora e largët. Sebahate Krasniqi që jeton në Amerikë ka planifikuar të qëndrojë pesë javë në Kosovë, duke u sjellur dhurata modeste familjarëve.
“Ne kemi ardh prej Amerikës, planifikojmë të qëndrojmë pesë javë në Kosovë. Të afërmve iu kemi sjellur nga një dhuratë modeste” tha ajo.
E Riad Aliun në Kosovë e kishte sjellur dëshira për t’a kaluar festën e Kurban Bajramit me familje.
“Pushimet mendoj t’i kalojë me familjen time në Kosovë, kam ardhur këtu t’a pres festën e Kurban Bajramit dhe të kthehem prap pastaj”, tregoi Aliu.
Kurse Muhamerrm Berisha, theksoi se kësaj here ua kishte sjellur me vete 10 mijë euro, të afërmve të tij në Kosovë.
“Prej Gjermanisë kam ardhur, këtu kemi planifikuar të qëndrojmë tri javë. Dhurata të vogla kemi sjellur me vete. Po ashtu edhe para kësaj here dikund 10 mijë euro i solla”, tha Berisha.
Të dhënat e Bankës Qendrore të Kosovë (BQK) tregojnë se gjatë katër mujorit të parë të 2022-së, diaspora ka dërguar 18 milionë euro më shumë, shkruan Telegrafi. Për këtë periudhë, vlera më e lartë ishte gjatë muajit prill me 110.1 milionë euro nga totali prej 351.5 milionë euro.
Nga Gjermania kanë ardhur 40 për qind e dërgesave, ndjekur nga Zvicra me 18.5 për qind dhe Shtetet e Bashkuara të Amerikës me 8 për qind. Gjatë vitit 2021, diaspora ka dërguar 1 miliard e 143 milionë euro. Pavarësisht masave të pandemisë COVID-19, vlera e sjellë në vendin tonë është 163.9 milionë euro më shumë se viti 2020.
Banka Botërore thotë se që nga shpallja e pavarësisë, në Kosovë janë dërguar rreth 13 miliardë euro. Sipas BB-së, pjesëmarrja e remitencave në Prodhimin e Brendshëm Bruto të Kosovës është rreth 20 për qind./Telegrafi/
Promo
Reklamo këtuLufta Prigozhin - Putin
Më shumëNjë tjetër fitore për Kosovën në Washington
Dëshmitari thotë se i akuzuari për krime lufte në Vushtrri e kishte goditur me armë në fytyrë
Mbyti dhe dogji prostitutën shqiptare në një pyll të Francës, prokuroria kërkon 20 vite burg për autorin
AGK reagon ndaj shpërndarjes së numrit të gazetares nga grupi “Albkings”
Zyrtare: Kosova aktualisht nuk është në agjendën e mbledhjes së Komitetit të Ministrave të Këshillit të Evropës
Në Shqipëri zyrtari policor e shantazhon qytetaren: Mi jep 3 mijë euro ose t'i publikoj fotot zhveshur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'