Vrasëset tërheqëse të “El Chapo-s” së ri të Meksikës – njihuni me femrat që po e përdorin bukurinë për të mbytur rivalët e drogës

“El Chapo” i ri i Meksikës po përdor atentatorë të bukur për të bërë punën e tij, për epërsi me kartelet e tjerë të drogës.

Sipas mediave të huaja, përcjell Telegrafi, fytyra të pafajshme dhe të bukura, janë duke u përdorur nga El Mencho për të kapur rivalët në befasi.

Kështu, gratë nuk janë më vetëm një “trofe” për zotërinjtë e drogës – ato po luajnë role të rëndësishme në kartelet deri në masën që tani po përdoren për të vrarë dhe masakruar njerëz.

Lexo po ashtu I shpëtoi policisë, vëllai i madh liroi edhe të voglin - zbulohet skenari i masakrës midis kartelit të drogës dhe forcave policore në Meksikë

El Mencho, emri i vërtetë i të cilit është Nemesio Cervantes, është bërë për Shtetet e Bashkuara “më i kërkuari” që nga kapja e El Chapo. Për kokën e tij ka një shpërblim 10 milionë dollarë.

Ai është udhëheqësi i Kartelit Jalisco Nueva Generation (CJNG) i cili tani është ndoshta më i madh se karteli Sinaloa i El Chapo.

Kartelet e tjerë të drogës kanë gra që veprojnë në organizatat e tyre, por tani El Mencho e ka marrë atë në një nivel tjetër.

Lexo po ashtu Pamje që ngjajnë me të luftës: Arrestohet djali i El Chapo-s, përleshje të ashpra me armë midis kartelit të drogës dhe forcave të sigurisë në Meksikë

CJNG ka një rrjet vrasësish femra që përdorin rininë dhe bukurinë e tyre për të kapur kundërshtarët.

Dhe Maria Esquivel “La Catrina” është në këtë grup dhe ka një rol të rëndësishëm në CJNG.

Ajo u identifikua nga policët si drejtues i një sulmi që vrau 13 policë të shtetit Michoacan në një pritë më 14 tetor.

Policia thuhet se ka një regjistrim ku La Catrinas iu dhanë udhëzime se çfarë të bënte.

Megjithatë, kjo nuk është hera e parë që gratë janë përdorur nga kartelet për të përdorur bukurinë e tyre si armë.

La Linea ishin një grup femër i Juarez Cartel që operonin në vitin 2010.

Vrasësi i Juarez Cartel, Rogelio Amaya, pranoi: “Ato janë tërheqëse, të reja, të mira për të mashtruar rivalët”.

Lexo po ashtu Zbulohen disa nga misteret e “Diabolik”, “shefit të shefave” të mafisë siciliane – njeriut me një “oreks” për supervetura dhe gra të bukura

Lidhur me këtë ka folur edhe Juan Carlos Ayala, një ekspert i Universitetit Sinaloa, i cili ka thënë se gratë duan të bëhen anëtare të karteleve, jo vetëm për para.

“Për to është e rëndësishme që të mund të hyjnë në atë që konsiderohej një botë mashkullore dhe çdo ditë ka një numër më të madh të grave që duan të marrin pjesë në këtë. Kjo u jep një status atyre”.

Madje, siç thuhet tutje, ato nuk janë më pak brutalë se sa homologët e tyre meshkuj. /Telegrafi/