Jaguar planifikon zëvendësimin e dy modeleve (Foto)

Modelet XE dhe XF janë ndër më pak të kërkuarit nga ky prodhues britanik

Jo shumë kohë më parë, Jaguar shiste shumë sedanë, por ditëve të sotme është situatë tjetër dhe prodhuesi do të bëjë lëvizje drastike, për të përmirësuar shitjet, transmeton Telegrafi.

Autocar raporton se Jaguar do të zëvendësojë modelet XE dhe XF, me një model të vetëm – por, jo si Lexus që vepro me ES, duke ia ngritur nivelin dhe përmirësuar sistemin, për ta emëruar si GS.

Modeli që pritet t’i zëvendësojë ato të dy, do të jetë elektrik, me bazë te I-Pace, vetëm se me ndryshime të konsiderueshme.

Në të njëjtën kohë, ky Jaguar pritet të përmbushë kërkesën për EV, si dhe kërkesat qeveritare për makina me emetim të ulët të gazrave. Prej 112,626 makinave që Jaguar Land Rover ka shitur gjatë vitit të kaluar në Shtete e Bashkuara, vetëm 30,483 ishin prej linjës Jaguar, apo një e treta e shitjeve.

Modeli XE është shitur në 4,704 njësi, derisa XF në 1,308 njësi, apo 7,012 së bashku, që i bie 17.5 për qind të shitjeve. Në krahasim me shitjet e 19,624 Jaguar crossover – shumica prej të cilave E-Pace dhe F-Pace, me I-Pace si më i kërkuari. /Telegrafi/