Prezantohen para nxënësve mbi 120 artikuj të kompanisë “Elkos”

Mbi 120 artikuj ushqimor të kompanisë “Elkos” janë prezantuar para nxënësve të shkollës fillore “Asdreni” në Pejë.

Në fabrikën e cila aktualisht prodhon mbi 27 tonë produkte ushqimore në ditë, nxënësit kanë parë procesin e prodhimit dhe përpunimit të ushqimeve.

Berat Ukaj menaxher i fabrikës “Egi Group”, ka thënë se kompania do të jetë e hapur për të gjithë ata që dëshirojnë të shohin procesin e punës.

“Ne jemi prodhues të orientuar drejt cilësisë. Objektivi ynë kryesor është siguria dhe cilësia. Jemi të hapur për nxënësit e shkollave të na vizitojnë, gjithashtu edhe për praktikantë teknologë jemi të interesuar”, shprehet për RTV Dukagjinin Berat Ukaj.

Cilësia dhe produktet ishin gjërat që më së shumti u interesonte nxënësve të shkollave fillore.

Alda Spahia shprehet e kënaqur që ka pasur mundësi të vizitojë për herë të parë një ndërmarrje industrial si kjo.

“Na kanë informuar për ajro kremin, shpagetat, kikirikët etj. Unë jam gëzuar shumë që kam ardhur këtu”, shprehet nxënësja Alda Spahia, përcjell Telegrafi.

Ndërsa nxënësi tjetër tregon përshtypjet e tij për këtë vizitë në këtë fabrikë.

“Më është dukur interesante se kjo fabrikë sa gjerat po i ka për të prodhuar dhe paketuar një produkt”, thotë nxënësi nga shkolla fillore “Asdreni” në Pejë.

Mësuesva Valbona Nikqi ka falenderuar kompaninë “Elkos” që u ka mundësuar nxënësve të dinë më shume për produkteve vendore.

“Qëllimi i vizitës sot, është t’i reklamojmë ushqimet e shëndetshme si dhe prodhimet e vendit tonë”, deklaroi mësuesve Valbona Nikqi./RTV Dukagjini/Telegrafi/