Barcelona do të ketë buxhet të limituar dhe të ulët për transferime në afatin kalimtar të janarit.
Klubi katalunas emëroi Xavin në krye të ekipit si pasues i përhershëm i të shkarkuarit Ronald Koeman.
Rikthimi i legjendës në klub bëri që tifozët të ëndërrojnë një skuadër të fortë dhe me disa përforcime të mëdha në janar.
Megjithatë, buxheti i transferimeve të janarit për Barcelonën është shumë i ulët.
Sipas mediumit ESPN, Barcelona do të ketë një buxhet transferimi të janarit nën 10 milionë euro.
Kostot që lidhen me shkarkimin e Koemanit kanë bërë që klubi të ketë burime të tendosura financiare.
Kjo e lë menaxherin Xavi me pak rrugë drejt blerjeve domethënëse të lojtarëve jashtë marrëveshjeve të huazimit, në një kohë që skuadra e tij është në vendin e nëntë në La Liga. /Telegrafi/
