Zbulohen fjalët që Xavi ia tha Carvajalit gjatë tensionit mes tyre në El Clasico

Momentet e tensionit të madh të El Clasicos të së enjtes mbrëma i përfshin edhe trajnerin e Barcelonës, Xavi dhe mbrojtësin e Real Madridit, Dani Cavajal.

Në pjesën e parë, Vinicius dhe De Jong u futën në një duel nmundjeje ‘greko-romake’ dhe në të dytën, Xavi dhe Carvajal patën një përballje dialektike që përfundoi me gjyqtarin që qortoi trajnerin e Barcelonës.

Gjithçka nisi me një përplasje mes Alex Balde dhe Carvajal në të cilën vendosi të merrte pjesë edhe trajneri i Barcelonës.

Xavi à Carvajal hier soir : « Idiot, tu es vraiment idiot. » pic.twitter.com/OxHcbZtCig

— BlaugraNews (@BlaugraNews_) March 3, 2023

“Ti je i zgjuar”, i tha fillimisht me ironi trajneri i Barçës, siç e kapen kamerat në fushë dhe më pas e quajti “budalla” deri në dy herë.

“Budalla, ti je një budalla”, këmbënguli Xavi, ndërsa bënte gjestin me duar për të vazhduar të fliste.

'Idiot, you're an idiot'

Xavi Hernandez's insults to Dani Carvajal during #ElClasico.pic.twitter.com/O5MmcSxwh4

— Football España (@footballespana_) March 3, 2023

Trajnerit të Barçës i është përgjigjur edhe Carvajal, por kamerat nuk e kanë kapur atë që i ka thënë mbrojtësi i Real Madridit.

Gjyqtari Munuera Montero e këshilloi Xavin dhe i kërkoi të qetësohej për pjesën tjetër të ndeshjes, megjithëse trajneri do të protestonte me zemërim ndaj gjyqtarit të katërt në momentet e fundit të ndeshjes, kur gjyqtari kryesor shtoi një minutë shtesë pasi kishte dhënë pesë minuta në fillim. /Telegrafi/