Valon Berisha është shumë afër t’i rikthehet fushës së gjelbër, pas lëndimeve të njëpasnjëshme që kishte pësuar.

Mesfushori i Përfaqësueses së Kosovës ka filluar të përgatitet për sezonin e ri, derisa e ardhmja e tij është ende në pikëpyetje te Lazio.

Skuadra italian e transferoi mesfushorin e talentuar në verën e kaluar nga Red Bull Salzburg, mirëpo lëndimet e shpeshta bën që ai mos ta tregojë veten.

Reprezentuesi i Kosovës nuk po dorëzohet dhe po ushtron fortë, siç po vërehet edhe në llogarinë e tij zyrtare në rrjetin social, Instagram.

Nuk arritën te Lainer, Tare tani mendon ta shkëmbejë Valon Berishën me një tjetër futbollist Nuk arritën te Lainer, Tare tani mendon ta shkëmbejë Valon Berishën me një tjetër futbollist

“Mos u ndalni kurrë para se t’i arrini objektivat tuaj. Edhe në atë rast, shtyje vetveten tek limiti, trupi ynë nuk ka limit”, ka shkruar Berisha në Instastory.

Mbetet të shihet nëse Valon Berisha do të qëndrojë edhe në sezonin e ri te Lazio apo do të kalojë te ndonjë skuadër tjetër. /Telegrafi/