Valencia është në bisedime me Juventusin në lidhje me Arthur Melon, i cili kërkohet edhe nga Arsenali – njofton Sky Sport Italia.

Mesfushori nuk bën pjesë në planet e Massimiliano Allegrit dhe nuk është ftuar në turneun parasezonal në Shtetet e Bashkuara të Amerikës.

Arsenali dukej opsioni i vetëm real për të, pasi që e kishte kërkuar edhe gjatë afatit kalimtar të janarit. Topçinjtë planifikojnë huazimin me obligim blerjeje në fund të sezonit.

Megjithatë, eksperti i transferimeve, Gianluca Di Marzio, pohon se trajneri Gennaro Gattuso dëshiron t’i ketë shërbimet e tij te Los Che.

Juventusi kërkon sa më parë largimin e tre lojtarëve Juventusi kërkon sa më parë largimin e tre lojtarëve

Sipas njoftimit, përfaqësues të Valencias tashmë i kanë kontaktuar homologët e tyre te Juventusi dhe i kanë nisur bisedimet.

Reklama

Mbrojtësi i majtë Jose Gaya dhe mesfushori Carlos Soler mund të ofrohen në ndonjë marrëveshje shkëmbimi me Zonjën e Vjetër. /Telegrafi/

Reklama

(Foto: Instagram/arthurhmelo)