United fiton me lehtësi ndaj Feynordit, por kualifikimi vendoset në ndeshjen e fundit (Video)

Manchester United ka fituar ndaj Feynoordit me rezultat 4-0.

Djelmoshat e Jose Mourinhos kanë treguar një lojë të madhe në kuadër të Grupit A të Ligës së Evropës, duke e mposhtur me lehtësi skuadrën holandeze.

‘Djajtë e Kuq’ e dominuan gjithë pjesën e parë duke krijuar shumë raste për gol, por u desh të presin minutën e 35-të për të parë golin e parë, i cili u shënua me parabolë nga kapitenit Wayne Rooney dhe me këtë rezultat skuadrat shkuan në epërsi.

Edhe pjesa e dytë foli në të mirë të gjigantit anglez, të cilët sulmonin gjatë gjithë kohës, teksa mysafirët provonin me ndonjë kundërsulm apo në rast të ndonjë gabimi të futbollistëve të Unitedit.

Megjithatë, United nuk la asgjë në dorë të fatit pasi shënuan edhe golin e dytë në minutën e 69-të me anë të Juan Matas, i cili përmbylli një aksion të mirë të nisur nga Zlatan Ibrahmovic e të vazhduar nga Rooney.

‘Djajtë e Kuq’ shënuan edhe golin e 3-0, ku më meritori ishte sulmuesi suedez, i cili detyroi portierin mysafirë të fus topin në portën e tij dhe me këtë rezultat përfundoi ndeshja, ndërsa goli përfundimtar u shënua nga Jesse Lingard në minutën e 90+2.

Në ndeshjen e fundit të këtij grupi, United do ta kërkoj fitoren përball Zoryas, teksa edhe Feynoord është në garë për kualifikim në rast fitoreje ndaj Fenerbahces. /Telegrafi/

Juan Mata Goal Manchester United 2 – 0 Feyenoord EL 24-11-2016 by @qoals5 – https://t.co/5qdYjSrNZ5 via @DailymotionUSA

— Goals5 (@qoals5) November 24, 2016

Jesse Lingard met de 4-0 ! #MUFCFEY #MUNFEY pic.twitter.com/GxeAquo7wM

— Voetbalfan (@manindetribune) November 24, 2016