Strategjia e Realit po tregohet e suksesshme, përfitimet e deritanishme në këtë afat kalimtar

Real Madridi vazhdon të bëjë progres me tri objektivat që lidhen me ekipin e parë në këtë afat kalimtar: të zvogëlojë numrin e lojtarëve, të zvogëlojë shpenzimet në paga dhe të grumbullojë fonde.

Kjo strategji ka marrë një shtytje të madhe këtë fundjavë me shitjen e Sergio Reguilon te Tottenham Hotspur. Me shitjen e tij, Los Blancos anë arkëtuar 30 milionë euro, si dhe pesë milionë të tjera janë përfshirë në formë të shtesave. Për më shumë, Mbretërit e kanë ruajtur edhe opsionin e riblerjes (për 40 milionë euro) që është valid deri në vitin 2022.

Transferimet e Achraf Hakimi (40 milionë euro plus bonuset) te Interi, Reguilon (30 plus pesë milionë euro) te Spursat, James (25 milionë euro) te Evertoni dhe Oscar (15 milionë euro plus 75 për qind të të drejtave) te Sevilla – kanë siguruar 110 milionë euro për Madridin.

Këto të hyra zvogëlojnë ndikimin negativ ekonomik të krizës së shkaktuar nga pandemia e coronavirusit.

Kësaj shifre pritet t’i shtohen rreth 10 milionë euro të tjera nga Interi dhe Tottenhami lidhur me shtesat për Achraf dhe Reguilon, ashtu që përfitimet e përgjithshme nga këto transferime pritet të jenë 120 milionë euro.

Njëherësh, Reali ka përfituar edhe nga huazimi i Gareth Bale te Spursat (deri në qershor 2021), pasi do t’ia japë vetëm gjysmën e pagës së tij prej 15 milionë eurosh. Madridi vazhdon të kërkojë zgjidhje për Marianon dhe Borja Mayoral, si edhe një mundësi huazimi për Luka Jovic.

Bale. Is. Back.

Welcome home, @GarethBale11 😍 #BaleIsBack ⚪️ #COYS pic.twitter.com/iOIWC2ZwtC

— Tottenham Hotspur (@SpursOfficial) September 19, 2020

Krahas shitjeve direkte, Los Blancos kanë përfituar edhe nga huazimi i Take Kubo te Villarreali (2.5 milionë plus 2.5 milionë euro në shtesa) dhe huazimi i Reinier te Borussia Dortmund (shuma nuk është publikuar). Edhe nga marrëveshjet për lojtarët e Castillas kanë sjellë të hyra prej 13 milionë eurosh deri më tani. /Telegrafi/