Skena e çuditshme në Bundesliga, një tifoz u bë gjyqtar pas lëndimit të kryesorit

Një skenë e çuditshme ka ndodhur në ndeshjen e xhiros së 19-të të Bundesligës ndërmjet Wolfsburgut dhe Kolnit teksa një nga tifozët në tribunë ishte i angazhuar në cilësinë e gjyqtarit të katërt.

Gjegjësisht, gjatë një ndërhyrjeje, futbollisti i Kolnit, Max Finkgrafe, qëlloi brutalisht me top në kokë gjyqtarin anësorë Thorben Siewer.

Siewer nuk mundi të vazhdonte ndeshjen, kështu që ai u zëvendësua nga gjyqtari i katërt Nicolas Winter dhe duke qenë se ndeshja nuk mund të vazhdonte pa gjyqtarin e katërt, spikeri zyrtar mori leje nga delegatët për të bërë një kërkesë në altoparlant për të gjetur një të kualifikuar.

Lexo po ashtu Gjyqtari në Bundesliga nokautohet pas një gjuajtje me top, nuk mund ta vazhdojë ndeshjen dhe u desh të zëvendësohej

Rolin e gjyqtarit të katërt e mori Tobias Krull, 32-vjeçari që ishte në tribunë dhe që është portieri i MTV Gifhorn, një klub vendas që garon në kategorinë e gjashtë të futbollit gjerman.

Më pas Krull u vesh me uniformën e arbitrit dhe qëndroi pranë vijës së kontaktit dhe kreu funksionin e arbitrit të katërt deri në fund të ndeshjes.

Ai në fund të ndeshjes u përgëzua nga gjyqtarët për punën e bërë, por edhe nga futbollistët dhe stafi teknik i të dyja skuadrave.

Ndeshja mes Wolfsburgut dhe Kolnit përfundoi me rezultat 1:1 pasi zgjati më shumë se dy orë nga fillimi i saj deri në fund. /Telegrafi/

Kto powiedział, że praca arbitra jest bezpieczna? Sędzia meczu Wolfsburg – Kolonia znokautowany. #domBundesligi pic.twitter.com/8OQ10MgxUz

— Viaplay Sport Polska (@viaplaysportpl) January 27, 2024

36' Ganz stark übrigens, dass Tobias Krull vom MTV Gifhorn hier jetzt als vierter Offizieller übernommen hat. 🤝#WOBKOE 0:0 pic.twitter.com/JDecsu2dey

— VfL Wolfsburg (@VfL_Wolfsburg) January 27, 2024