Milot Rashica ishte njëri prej futbollistëve më të mirë në ndeshjen eliminatore për ‘Euro 2020’ kundër Malit të Zi.

Në përballjen e zhvilluar të hënën në stadiumin ‘Fadil Vokrri’, futbollisti vushtrrias luajti 90 minuta dhe dha kontribut të jashtëzakonshëm në fazën e sulmit.

Ndonëse nuk arriti të shënojë apo asistojë, super-ylli i Werder Bremenit u urua për paraqitjen e tij në fitoren 2-0 të Kosovës kundër malazezëve.

Pas ndeshjes, Rashica nuk ngurroi ta tregojë dashamirësinë e tij me të gjithë tifozët.

Madje, ai ishte ndalur në stadium për të bërë disa fotografi edhe dy persona me aftësi të kufizuara.

Dy prej fotografive, 23-vjeçari tashmë i ka publikuar në rrjetin social “Instagram”.

Ndryshe, me fitoren kundër Malit të Zi, Kosova renditet në vendin e tretë në grupin A me 11 pikë të tubuara.

Kosova dy ndeshjet e radhës i zhvillon përballë Republikës së Çekisë si mysafir në Plzen  dhe ndaj Anglisë në Prishtinë. /Telegrafi/