Mesfushori i Real Madridit, Toni Kroos është shprehur i befasuar pasi skuadra e tij humbi çmimin e klubit më të mirë të vitit.

Reklama

Pavarësisht një sezoni fantastik në të cilin ata fituan Ligën e Kampionëve dhe titullin e La Ligës, Reali u mposht Manchester Cityt.

Liverpool përfundoi në vendin e dytë, pavarësisht se Real Madridi kishte mundur skuadrën e Jurgen Klopp në finalen e Ligës së Kampionëve.

Toni Kroos mbeti i hutuar pasi Manchester City fitoi çmimin Topin e Artë për klubin e vitit.

Reali gjithashtu mposhti Cityn në gjysmëfinale të kompeticionit, me Kroos të mbetur i zhgënjyer nga rezultati i çmimit.

Kroos shkroi në Twitter: “Ekipi i 3-të më i mirë në 2021/22 – i lumtur Real Madrid?”.

Reklama

City u kurorëzua kampion i Ligës Premier sezonin e kaluar, ndërsa u eliminua nga Liga e Kampionëve dhe FA Cup në fazën gjysmëfinale dhe pësoi një eliminim në raundin e katërt në Carabao Cup.

Reklama

Ndërkohë, Liverpooli përfundoi i dyti në ligë dhe nënkampion në Ligën e Kampionëve, por ata fituan FA Cup-ën dhe Kupën Carabao.

Përveç fitimit të Ligës së Kampionëve dhe La Ligës, Real fitoi edhe Superkupën e Spanjës. Ata u eliminuan në çerekfinale të Kupës së Mbretit.

Pavarësisht se nuk arriti lavdinë kolektive në ceremoni, kishte shumë arsye të tjera për të festuar për Realin, ku më së shumti Karim Benzema që fitoi Topin e Artë për herë të parë.

Reklama

Thibaut Courtois fitoi çmimin “Lev Yashin” për portierin më të mirë dhe gjithashtu përfundoi në dhjetëshen e parë së bashku me Vinicius Junior dhe Luka Modric. /Telegrafi/