Rita rrëmben vëmendjen me kapuçin e saj shumëngjyrësh, ndërsa shijon jetën e natës në Londër

Ajo është famëkeqe për sensin e saj të çuditshëm të stilit.

Dhe Rita Ora zgjodhi një ansambël tjetër interesant, ndërsa gëzoi një shëtitje në orët e vona të enjten, në Londër, shkruan DailyMail, transmeton Telegrafi.

Krijuesja shqiptaro-britanike, 28 vjeçe, ishte veshur me një fustan me katror, setër të bardhë, ndërsa mbante në kokë një kapele shumëngjyrëshe.

Me flokët e saj bionde me kaçurrela, Rita kompletoi pamjen e saj, teksa mbante edhe një palë syze dielli ngjyrë blu.

Ora përfundoi turneun e saj botëror “Phoenix”, i cili filloi në mars, në Paris, me një shfaqje spektakolare në “Westfield Velizy 2” të kryeqytetit francez.

Lexo po ashtu Rita Ora merr dhuratë nga "Apple" një iPhone 11

Në një intervistë të fundit për DailyStar, artistja e lindur në Prishtinë foli hapur rreth seksualitetit të saj, ndërsa shprehi indinjatën se si njerëzit dhe mediat aludojnë se është në lidhje me një person, sa herë që e shohin të fotografuar me të në rrjetet sociale.

Duke folur për jetën e saj të dashurisë, Rita tha: “Unë admiroj bukurinë nga burrat dhe gratë. Unë i shoh gjërat jo për nga pamja apo gjinia, për mua ka të bëjë me personin”. /Telegrafi/