Ajo javë më parë ka publikuar klipin e këngës së re “How to be lonely” që në shqip do të thotë “Si të jesh e vetmuar”.

Fjala është për këngëtaren shqiptare me famë ndërkombëtare, Rita Orën, e cila bëri një paraqitje të mahnitshme në këtë klip duke mos i zhgënjyer fansat edhe këtë herë.

Kënga, e cila për tematikë ka vetminë, u prit shumë mirë dhe deri më tani ka grumbulluar 2.2 milionë klikime në platformën YouTube.

Ylli shqiptar një kujdes të veçantë po ashtu i ka kushtuar edhe videoklipit, ku në njërën prej skenave shfaqet e shtrirë në një dysheme me ato që duken si vezë të thyera.

Të gjitha lajmet nga Rita Ora Të gjitha lajmet nga Rita Ora

Megjithatë, ajo u kritikua për këtë pjesë të klipit, gjersa fansat e kanë quajtur shpenzim të kotë të vezëve në këtë kohë krize ushqimi.

Së fundmi, Rita ka ndarë me ndjekësit një fotografi nga prapaskenat e klipit në Instagram, në të cilën shfaqet ‘topless’ dhe merr vëmendje me dukjen joshëse.

E njëjta ka falënderuar fansat për përkrahjen e tyre duke shkruar, “Faleminderit shumë të gjithëve për mbështetjen në How to be lonely. Dëgjojeni në ‘linkun’ tim. Ju dua të gjithëve shumë”. /Telegrafi/