Këngëtarja me renome ndërkombëtare, Rita Ora, së fundmi ka thyer rregullat e pandemisë coronavirus.
Kjo ka ndodhur për shkak të festës që bëri, me rastin e ditëlindjes së 30-të, shkruan Mirror.
Ajo u pa e veshur me plot stil në një restorant në Notting Hill të Londrës, ku grumbulloi edhe një numër të madh të miqve.
Pasi u shfaqën fotografitë, fansat e furishëm dolën në rrjetet sociale duke kërkuar që Rita të kërkonte falje.
Artistja në një paraqitje të saj është shprehur se me të vërtetë ka gabuar për veprimin që bëri.
"Ky ishte një gabim serioz dhe i pafalshëm. Duke pasur parasysh kufizimet, unë e kuptoj se sa të papërgjegjshme ishin këto veprime dhe marr përgjegjësinë e plotë", është shprehur ajo.
Burimet thonë se Rita ka paguar vullnetarisht një gjobë prej 10,000 funta (13.000 dollarë). /Telegrafi/
