Rita Ora mezi e përmbajti veten pasi një konkurrente në episodin e së hënës të “The Voice Australia” performoi një nga hitet e saj më të mëdha.

Ylli shqiptaro-britanik i muzikës pop dukej e mahnitur teksa konkurrentja Asha Newman, 23 vjeçe, interpretoi një ‘cover’ akustik të këngës “R.I.P.” – hit kënga e Ritës në vitin 2012.

Pas performancës, Rita u kënaq aq shumë sa u ngrit në këmbë për t’i dhënë Ashas një ovacion të fortë, shkruan DailyMail.

Kënga e kishte çuar artisten me origjinë shqiptare drejt majave të suksesit, duke e renditur të parën në top listën zyrtare të këngëve më të dëgjuara të momentit në Mbretërinë e Bashkuar dhe Rita, 31 vjeç, shpërfaqi emocione në panelin e “The Voice” kur nisi të shpjegonte se çfarë do të thoshte kjo këngë për të.

19-vjeçarja që dikur ishte tallur nga mësuesja e saj, pas 10 vitesh mahnit jurinë e "The Voice Australia" - Rita Ora mes lotësh i jep një përqafim 19-vjeçarja që dikur ishte tallur nga mësuesja e saj, pas 10 vitesh mahnit jurinë e "The Voice Australia" - Rita Ora mes lotësh i jep një përqafim

“Jam shumë e lidhur emocionalisht me atë këngë, sepse ajo këngë nisi karrierën time”, tha ajo.

Rita më pas komplimentoi performancën e këngës nga Asha, të cilën ajo e kishte riorganizuar për t’iu përshtatur vokalit të saj akustik.

“Ishte aq e rrjedhshme, thuajse po bënit një bisedë”, komplimentoi Rita konkurrenten.

“Ishte kaq e pastër. Më pëlqen të këndoj akustik, dhe ju i hoqët të gjitha dhe e tregove vërtet historinë. Zëri juaj dukej perfekt. Ishte kaq i pastër si zë”, tha e mahnitur 31-vjeçarja.

“[Kjo këngë] ndryshoi jetën time dhe kjo nuk mund të ndryshojë jetën tuaj. Më duhet vetëm të them, ti e ke çarë”, shtoi ajo.

Asha më pas duhej të zgjidhte se me cilin nga trajnerët do të vazhdonte rrugëtimin e saj mes Ritës dhe Jessica Mauboyt – të cilat kishin kthyer karriget e tyre.

Në fund të fundit, këngëtarja, e cila vjen nga Bregu Qendror i NSW, shkoi me Ritën, e cila ishte e lumtur që e kishte atë tashmë në skuadrën e saj, dhe vrapoi për ta përqafuar.

“Më pëlqeu! Unë të dua, të dua! Ti ishe shumë e mirë”, tha Rita mes emocionesh teksa uroi konkurrenten e re.

Rita Ora përndryshe edhe vitin e kaluar ishte anëtare e jurisë në spektaklin shumë të shikuar të talenteve në Australi, “The Voice Australia”. /Telegrafi/