Futbolli ka evoluar shumë në dekadën e fundit, ku edhe çmimet e futbollistëve janë ngritur shumë.

Tani kur po jetojmë në kohë pandemie, futbolli është ndalur në gjithë botën pas përhapjes së coronavirusit.

Transfermarkt ka publikuar formacionin më të shtrenjtë të vitit 2004, ku në atë vit u shpall kampion edhe Arsenali duke përfunduar pa humbje sezonin.

Pikërisht nga Arsenali janë përfshirë tre futbollistë në këtë formacion, ndërsa katër të tjerë janë nga Real Madridi.

Porto, Milan, Manchester United dhe Barcelona prezantohen me nga një futbollist tjetër në këtë formacion.

Futbollisti më i shtrenjtë në vitin 2004 ishte magjiku brazilian Ronaldinho, që kishte çmimin prej 50 milionë eurove.

Për atë kohë ka qenë një çmim jashtëzakonisht i madh, por për futbollin e ditëve të sotme Ronaldinho sigurisht do të kushtonte pesë herë më shumë.

Vlera e formacionit më të shtrenjtë në vitin 2004, nuk ishte më e lartë se 399 milionë euro, edhe pse shumë yje ishin pjes e tij.

Formacioni më i shtrenjtë në vitin 2004:

Iker Casillas, Ricardo Carvalho, Alessandro Nesta, Roberto Carlos, Patrick Viera, Jose Antonio Reyes, David Beckham, Ronaldinho, Thierry Henry, Ronaldo, Rud Van Nistelrooy. /Telegrafi/