Rihanna shihet duke shkuar në një studio muzikore pasi u konfirmua se do të performojë në “Super Bowl 2023”

Artistja e famshme amerikane, Rihanna u pa në New York të hënën (26 shtator) në daljen e saj të parë publike që kur u njoftua se do të ishte kryesuese e shfaqjes së pjesës së parë në “Super Bowl 2023”.

34-vjeçarja me origjinë nga Barbadosi, ishte e veshur me një xhaketë saten të kaltër mbi një bluzë të zezë me një grafikë mbi të, ndërsa ajo u pa duke dalë nga një studio regjistrimi.

Ylli i muzikës vendosi një kapele të zezë mbi flokët e saj të gjata, me pantallona të kaltër dhe atlete të bardha Adidas, teksa mbante edhe një çantë ngjyrë vjollce nga “Chanel”.

Artistja fituese e “Grammy”-it u pa me të dashurin ASAP Rocky, me të cilin ajo ka një djalë, shkruan DailyMail.

ASAP Rocky u pa i veshur me një xhaketë jeshile mbi një bluzë të kaltër me pantallona dhe çizme të bardha.

Theksojmë që këngëtarja e “Diamonds” konfirmoi pjesëmarrjen e saj në “Super Bowl” në një postim në Instagram të dielën, ku mbante me dorën e saj një top futbolli, imazhi u ripostua edhe nga faqja zyrtare e NFL.

Krijuesja e “Umbrella” do të jetë interpretuesja e paraqitur në një shfaqje të prodhuar nga Roc Nation e Jay-Z si dhe Apple Music.

“Rihanna është një talent brezash, një grua me fillime modeste që ka tejkaluar pritshmëritë në çdo hap”, tha producenti ekzekutiv Jay-Z në një deklaratë.

“Një person i lindur në ishullin e vogël të Barbados, i cili u bë një nga artistët më të shquar ndonjëherë. E krijuar vetë në biznes dhe industri”, u shpreh reperi dhe themeluesi i Roc Nation.

Këngëtarja e famshme zbuloi më parë se ajo refuzoi një ftesë për të bërë titullin e shfaqjes së pjesës së parë në 2019 për të treguar solidaritet me Colin Kaepernick, i cili nuk është nënshkruar me një ekip të NFL që kur u gjunjëzua gjatë himnit kombëtar për të protestuar ndaj brutalitetit të policisë kundër zezakëve dhe pakicave në 2016.

Kaepernick tha se drejtuesit e NFL kishin bashkëpunuar për ta mbajtur atë jashtë ligës, duke arritur një zgjidhje ligjore me ligën në fillim të 2019.

Dalja do të jetë performanca e parë publike e artistes që nga çmimet “Grammy 2018”. Publikimi i saj më i fundit ishte “Anti” në vitin 2016.

Shfaqja e pjesës së parë të këtij viti në Los Angeles bëri bashkë yjet e mëdha duke përfshirë Dr. Dre, Snoop Dogg, Eminem, Kendrick Lamar dhe Mary J. Blige.

“Super Bowl” është vendosur të mbahet në stadiumi “State Farm” në Arizona më 12 shkurt 2023. /Telegrafi/