Aki Aki, emri i vërtetë i të cilit është Aleksandar Milosavlejvic është një reper me prejardhje serbe.
Ai ka publikuar së fundmi një këngë të re, ku flet për miqësinë shqiptaro-serbe.
Ky reper jeton në Cadenazzo të Zvicrës, vend ky ku ka pasur mundësinë të shoh afrimitetin mes disa komuniteteve shqiptare dhe serbe.
Foto: Aki Aki Official/YouTube
Kjo është dhe arsyeja pse ai në këngën e re me titull “Cani Sciolti", ka trajtuar pikërisht këtë çështje.
Klipi i kësaj kënge numëron mijëra shikime në YouTube, dhe brenda e tij pasqyrohen flamuri shqiptar dhe ai serb.
Një komentues shqiptar i ka shkruar reperit në YouTube, duke i thënë se nuk e kupton këngën, si dhe prezenca e dy flamujve po e konfuzon shumë.
"Në këngë flas për bashkimin midis këtyre dy vendeve. Unë kam shumë miq shqiptarë dhe i dua ata", ka qenë përgjigja e reperit serb Aki Aki. /Telegrafi/
