Arritjen e marrëveshjes me futbollistin cilësor e ka konfirmuar nënkryetari i klubit, Afrim Muçiqi.
“Kemi nënshkruar me Besnik Krasniqin, i cili kthehet në klub”, tregoi ai për “Zërin”.
Ndër të tjera, Muçiqi ka njoftuar se Bardhekaltrit të enjten kanë qenë të efektshëm edhe në vazhdimin e kontratave me lojtarët që janë pjesë e klubit. Me këtë rast, Liridon Kukaj, Ahmet Haliti dhe Driton Krasniqi e kanë vazhduar kontratën, ndërsa prishtinasit e kanë angazhuar edhe talentin e KEK-ut, Atdhe Grajqevci.
Ndërkohë, në ditët në vazhdim, kontratën pritet ta vazhdojë edhe ylli i skuadrës, Mentor Zhdrella.
