SUPERLIGA
Nga ndeshjet më interesante dhe dramatike të kësaj jave në Superligë ishte fitorja e Victoria & Sllatina Poshtme të cilët mposhten me një përmbysje të madhe skuadrën e Eskavatorit. Pjesa e parë i takoi Eskavatorit (2-1), mirëpo në gjysmën e dyte Victoria arriti të përmbyste rezultatin në 5-6, me një triler golash në minutat e fundit.
Përmbysje të rezultatit bëri edhe Termo Luli që fitoi derbin me Orchide & Sëiss Plus. Rinor Rakaj kaloi në epërsi Orchiden në pjesën e parë, ndërsa në gjysmën e dytë Narcis Alibegu dhe Lulzim Ismajli shënuan dy gola për të arkëtuar kështu tri pikë shumë të rëndësishme që e ngritin përsëri në pozitën e parë. Në anën tjetër, Gëzim Rusi i siguroi skuadrës së Dental & Palloshi Trade një tjetër fitore me rezultat minimal ndaj Shqiponjës, ndërsa Maestro befasoi Elektring duke barazuar 4-4. Në ndeshjet tjera, Egzon Shabani shkëlqeu me 6 gola në fitoren e Unioni SHPK, ndërsa Komogllava & Eurolindi ishte e pagabueshme ndaj Termos.
LIGA E PARË
Në Ligën e Parë kishte poashtu takime interesante, ndërsa liderët e këtij grupi, Balaj, Pleshina dhe Fabefa u treguan të pagabueshme në përballjet e tyre, ndërsa Elita u befasua nga Labinoti & QDT Medina duke u mposhtur minimalisht me golin e Mirsad Llabjanit. Stargraf poashtu pësoi humbje të thellë nga Union duke dështuar të tregojë potencialin e saj, ndërsa Festa vazhdon ngritjen në tabelë pas humbjes që pësoi në javën e dytë.
Fitore me rezultat të thellë regjistruan Gama dhe Mercedes Benz Isa Service të cilat mposhten Te Iriqin, respektivisht Colo Colo. Flakim Qerimi vazhdon të tregohet vendimtar për Shkendija & Fin Center pasi mposhti Termo Roshen, ndërsa Sojeva merr pikë të rëndësishme duke mposhtur Ferplast 2-1.
LIGA 2A dhe 2B
Ne Ligën e Dytë kishte poashtu ndeshje derbi dhe interesante. Reklama Krosa ka fituar derbin e xhiros së pestë në Ligen 2A, pasi ka mposhtur favoritet e këtij grupi, Big Eagle me rezultat 4-1, duke ia regjistruar humbjen e parë këtë sezon skuadrës së Ridvan Veselit, ndërsa Doni Fruits mposhti 2-1 Classic. Te Luzha dhe Sprint fituan me rezultate bindëse duke mposhtur Akademin, respektivisht Diti Balaj, ndërkaq Ura Market vazhdon të tregohet skuadër befasuese e këtij grupi pasi mposhti Happy Market 6-2.
Në grupin 2B, Qielli vazhdon të shkëlqejë me lojë dhe rezultate fantastike pasi mposhti bindshëm N'Chosh (6-12), ndërsa Jashari Petrol debutoi me fitore ndaj Nerodimes. Takime interesante ishin ato ndërmjet BesiFas - Rakaj, ku skuadra e Naim Thaqit u tregua më e saktë duke mposhtur BesiFas me rezultat të ngushtë 3-4, ndërsa Gerlica fitoi derbin me Ujqit duke e mposhtur me përmbysje 2-3 në minutat e fundit të ndeshjes. Skuadra e Gremes ia shkaktoi humbjen e parë Komuneës duke e mundur me rezultat 7-2 me golat e Hashim Bajramit dhe Arbnor Bajramit.
