“Për 500 milionë euro do të shkoja në këmbë” – Ancelotti përgjigjet me humor në pyetjen për ofertat nga Arabia Saudite

Disa klube nga Arabia Saudite po e shohin Carlo Ancelottin si trajnerin e tyre të ardhshëm.

Megjithatë, italiani pritet ose të qëndrojë te Real Madrid dhe në të ardhmen të kalojë si përzgjedhës i Kombëtares së Brazilit.

Në konferencën e fundit për shtyp të Real Madridit, nuk kanë munguar pyetjet në lidhje me kalimin e tij në Arabinë Saudite, ku italiani iu është përgjigjur me humor.

“A do të shkoja në Arabinë Saudite për 500 milionë euro? Nuk do të më duhej as të rezervoja fluturimin. Do të shkoja atje në këmbë”, tha fillimisht italiani.

Lexo po ashtu "Garanci ligjore" - nga Brazili e quajnë të kryer marrëveshjen me Ancelottin

Pastaj ai e konfirmoi se po bënte shaka, pasi bazuar në karrierën që ka pasur si futbollist, pastaj edhe si trajner, kontrata e tij kanë qenë të majme.

“Jo, po bëj shaka. Unë nuk dua para, kjo nuk është interesante më për mua”, deklaroi Ancelotti.

🇸🇦 ¿Usted se iría por 500M€ a Arabia?

😅 Carlo Ancelotti: "A pie. No necesito reservar vuelo, voy andando".

📽️ @ElGolazoDeGol pic.twitter.com/G4g04OsYb8

— Fútbol Italiano 🇮🇹 (@FT_Italiano) December 8, 2023

Real Madridi thuhet se po konsideron t’i ofrojnë 64-vjeçarit një kontratë të re, pasi kontrata e tij aktuale me klubin skadon në fund të sezonit.

Ancelotti e ka udhëhequr Real Madridin në 17 fitore në 20 ndeshje deri më tani këtë sezon. /Telegrafi/