“Garanci ligjore” – nga Brazili e quajnë të kryer marrëveshjen me Ancelottin

Brazili ka arritur një marrëveshje me Carlo Ancelottin që ai të bëhet trajneri i tyre i ardhshëm.

Trajneri i Real Madridit ka qenë shumë i lidhur me këtë detyrë që kur Tite dha dorëheqjen si trajner pas Kupës së Botës 2022.

Strategu 64-vjeçar ka refuzuar të tërhiqet në spekulime për të ardhmen e tij pavarësisht se marrëveshja e tij me Realin skadon në fund të sezonit.

Lexo po ashtu Manchester United me 'kontratë në tavolinë' për Ancelottin - dy lojtarë e presin me padurim italianin në Old Trafford

Kjo do të thotë se ai do të jetë i lirë të flasë me ekipet e tjera në janar pasi do të ketë hyrë në gjashtë muajt e fundit të kontratës së tij.

Brazili besohet të ketë kontaktuar me Ancelottin dhe organi i tyre drejtues, CBF ka marrë marrëveshje me shkrim nga italiani, raporton The Athletic.

Lexo po ashtu Ancelotti i është përgjigjur gazetarit: Po të jap mundësinë të pyesësh diçka tjetër

Real Madridi mund të përpiqet të ndërhyjë duke i ofruar Ancelottit një kontratë të re – për sa kohë që ai të performojë mirë këtë sezon.

Los Blancos e përfunduan sezonin 2022-23 pa trofe, kështu që italiani është nën presion për të fituar La Ligën dhe Ligën e Kampionëve.

Lexo po ashtu Real Madrid refuzon të ndryshojë 'rregullin për transferime'

Burime pranë klubit sugjerojnë se Ancelotti është diskutuar për një marrëveshje të re, por duket se ai po përgatit Brazilin si një alternativë.

Raportimet në Brazil pretendojnë se CBF e kupton se ka “garanci ligjore” që Ancelotti do t’u bashkohet. /Telegrafi/