Sulmuesi i Kosovës, Vedat Muriqi, ka arritur në Itali, ku pritet t’i bashkohet skuadrës së Lazios.

Reklama

Në faqen zyrtare të Biancocelestëve u publikuan disa fotografi nga arritja e 26-vjeçarit, ndërsa Tuttomercatoweb e ka publikuar një video nga arritja e tij në Romë.

Futbollisti shqiptar pritet që të hënën t’u nënshtrohet testeve mjekësore dhe më pas do të nënshkruajë kontratë me klubin e tij të ri.

Në momentin e arritjes, ai ka pozuar për fotografët duke mbajtur shallin e klubit të Lazios, ku pritet ta vazhdojë kontratën.

Lexo po ashtu:
Muriqi arrinë në Romë, Lazio i uron mirëseardhje Muriqi arrinë në Romë, Lazio i uron mirëseardhje

(Foto: Twitter/S.S.Lazio)

Sipas njoftimeve, klubi italian do të paguajë në total 20 milionë euro (18 milionë për kartonin dhe dy milionë në formë bonusesh).

Reklama

Kujtojmë që Muriqi u transferua te Fenerbahce në verën e kaluar nga Rizespori për 3.5 milionë euro, ndërsa shënoi 15 gola në 36 paraqitje. /Telegrafi/

Reklama

(Foto: Twitter/S.S.Lazio)