Menaxheri i Manchester Unitedit, Sir Alex Ferguson, ka insistuar se ai nuk do ta përforcojë skuadrën e tij gjatë afatit kalimtar të janarit edhe pse rivali i tyre, Manchester City, është afër të nënshkruajnë me shumë yje.
Herën e fundit që Ferguson i zhyti seriozisht këmbët në ujërat e transferimeve të janarit, ai hasi në flori, edhe atë dy herë. Kjo ndodhi para gjashtë vjetëve kur ai bleu Nemanja Vidicin për shtatë milionë dhe Patrice Evran për 5.5 milionë funte. Që të dy janë zgjedhur disa herë edhe si kapitenë të Djajve të Kuq.
Që atëherë, përforcimi më i mirë që ka bërë gjatë këtij afati ka qenë, Anders Lindegaard, për tre milionë funte nga Aalesund. Kohë pas kohe ka pasur disa investime në të rinjtë e skuadrës, por të cilat nuk patën sukses, si Zoran Tosic dhe Manucho. Por shumë, shumë pak nga përforcimet e gjysmë-sezonit në vitet e fundit, kanë luajtur rol në muajt e fundit të kampionatit për Fergusonin. Edhe Vidici me Evran patën nevojë që të ambientohen, që të dy u inkuadruan si zëvendësime në minutën e 83-të në finalen e Kupës së Ligës në vitin 2006, që të fitojnë trofeun e parë me klubin.
Kështu që nuk ishte surprizë ta dëgjonim Fergusonin duke shprehur mosinteresimin e tij që të përforconte skuadrën gjatë dimrit, në një intervistë të dhënë së fundi për Yahoo.
“Tregu i transferimeve të lojtarëve gjatë janarit nuk ka qenë kurrë tregu më i mirë për transferime dhe kjo është dëshmuar gjatë viteve të fundit, kur rrallëherë ka ndodhur ndonjë transferim i madh. Të gjitha transferet e mëdha ndodhin gjatë verës”, deklaroi Fergie.
Por kjo gjë nuk e ka ndaluar atë që t’i renditë titujt e Ligës Premier. Duke shikuar pas blerjeve të Vidicit dhe Evras, Fergusoni, gjatë këtij afati, kishte paguar vetëm për t’i siguruar shërbimet e Louis Sahas dhe Diego Forlanit. Forma e Sahas ishte e mirë por ekipi i Arsenalit asokohe e fitoi titullin, ndërsa Forlani nuk shënoi gol deri në sezonin e ardhshëm.
United është në maje të tabelës me gjashtë pikë epërsi dhe së fundmi iu është kthyer edhe Vidici pas një lëndimi të gjatë. Por është një ndjenjë që kemi çka të presim prej Cityt, pasi që lojtarët, si Vincent Kompany dhe Yaya Toure, ende nuk janë kthyer në formën e vazhdueshme që shfaqën vitin e kaluar.
Edhe Mancini sikur Fergusoni, nuk ka shprehur dëshirën për të blerë lojtarë gjatë këtij afati kalimtar. E si ta shprehte këtë, kur puna e tij është në rrezik? Pas zhgënjimit të madh të Cityt në Ligën e Kampionëve, asgjë më pak së një titull nuk do ta shpëtonte atë nga shkarkimi. Gjithashtu ekziston edhe rreziku që Sheikh Mansour ta sjellë Guardiolan e lirë në Etihad Stadium.
Dyshimi për të ardhmen e Balotellit është rritur me spekulimet që po e lidhin Cityn me një sulmues të ri. Radamel Falcao shpeshherë është përmendur, teksa për Stephan El Shaarawyn, thuhet se vetëm kanë nisur negociatat. Është raportuar, po ashtu, se drejtori sportiv i Manchester Cityt, Txiki Begiristain, ka udhëtuar në Brazil për ta bindur Neymarin që të nënshkruajë kontratë me ta.
Ankesa për mungesë të kualitetit të lojtarëve në afatin kalimtar të janarit është një gjë, kurse të përjashtosh plotësisht mundësinë e përforcimit në këtë afat është një gjë krejt tjetër. Sidoqoftë, Fergie nuk hezitoi ta bënte një gjë të tillë duke thënë se: “Unë nuk do të sjell asnjë lojtar në janar, definitivisht jo”.
Manchester United është në krye të tabelës, por ata po vazhdojnë të kenë probleme në mbrojtje dhe në mesfushë të cilat nuk po i adresojnë, e që mund t’i japin përparësi Cityt në vitin e ri. /Telegrafi/
Lufta Prigozhin - Putin
Më shumëNga Rubrika
Një minutë në fushë kushton 2 milionë euro – dështimi më i madh i Chelseat nga blerjet e fundit
“Prej më të mirë në 10 vitet e fundit, lojtari im i preferuar” – Torres me fjalë të mëdha për Salah
Agjenti i Alphonso Davies godet Bayernin, shpjegon situatën e kanadezit
Reagon babai i Olti Hysenit, pas deklaratës 'bombastike' të lojtarit të talentuar
Një minutë në fushë kushton 2 milionë euro – dështimi më i madh i Chelseat nga blerjet e fundit
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes
Agjenti i Alphonso Davies godet Bayernin, shpjegon situatën e kanadezit
Real Madridi fërkon duart, shumë lojtarë të Man Cityt kthehen të dëmtuar nga kombëtaret
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes