Milani tregon seriozitetin, triumfon edhe ndaj Juventusit (Video)

Milani fitoi derbin e javës së nëntë në Serie A ndaj Juventusit me rezultat 1-0.

Mysafirët ishin më të rrezikshëm në këtë takim, por Rossonerët befasuan me lojën e tyre të sigurt .

Ky derbi filloi me një koreografi gjigante nga tifozët vendas, të cilët ishin fantastik në këtë takim.

Rreziku i parë për portën e Zonjës së Vjetër erdhi në minutën e dhjetë pas një gjuajte të rrezikshme nga Suso, por Gianluigi Buffon bëri një pritje bravuroze.

Rast të mirë kishte më pas edhe Paulo Dybala, por Gianluigi Donnarumma u tregua i sigurt.

Në minutën e 36-të Juventusit iu anulua një gol për pozicion jashtë loje, pas gjuajtës së bukur nga Miralem Pjanic dhe me rezultatin 0-0 përfundoi pjesa e parë.

Goli i vetëm në këtë takim erdhi në minutën e 65-të nga Manuel Locatelli. 18-vjeçari shënoi një gol fantastik në portën e Buffon pas një pasimi nga Suso.

Juve sulmoi deri në fund, por nuk arriti të tregohet konkret para portës së Donnarummas.

Pas kësaj humbje Milani ngjitet në vendin e dytë me 19 pikë, dy më pak se Juventusi në vendin e parë. Ndeshja e ardhshme e skuadrës nga Milano do të jetë ndaj Genoas, kurse kampionët presin në shtëpi Sampdorian. /Telegrafi/