Man Utd mund të humbasë portierin Onana për shtatë ndeshje, duke përfshirë një derbi në Ligën Premier

Portieri i Manchester Unitedit, Andre Onana do të humbasë deri në shtatë ndeshje, duke përfshirë një përplasje të madhe në Ligën Premier.

Gjatë afatit kalimtar të verës, United shpenzoi shumë për të transferuar Onanën nga Interi në Old Trafford. Marrëveshja për të marrë portierin kushtoi rreth 55 milionë euro.

Onana është numri 1 i United pas largimit të David de Gea, i cili u largua nga klubi pas skadimit të kontratës.

Megjithatë, United mund të jetë pa Onanën për një pjesë vendimtare të sezonit të tyre. Kjo për faktin se 27-vjeçari do të luajë në Kupën e Kombeve të Afrikës, e cila do të zhvillohet në muajt janar dhe shkurt.

Onana fillimisht u largua nga ekipi kombëtar i Kamerunit pasi u përplas me menaxherin Rigobert Song. Por, ai u përfshi në skuadër për ndeshjet e fundit ndërkombëtare, i cili përfshinte kualifikuesen e Grupit C të AFCON ndaj Burundit.

Portieri luajti plotë 90 minuta ndërsa Kameruni doli fitues 3-0 falë golave ​​të Bryan Mbeumo, Christopher Wooh dhe Vincent Aboubakar.

Me Onanën e vendosur për të luajtur në AFCON, ai do të humbasë katër ndeshje të Ligës Premier, kundër Tottenham Hotspur, Wolverhampton Wanderers, West Ham United dhe Aston Villa.

Përveç kësaj, ai do të humbasë edhe gjysmëfinalen e Carabao Cup dhe raundin e katërt të FA Cup.

Ndeshjet e para të 1/16-tës të Ligës së Kampionëve janë planifikuar të zhvillohen një javë pas përfundimit të AFCON. /Telegrafi/