Sonte (e martë) mbahet nata e parë gjysmëfinale e festivalit “Eurovision 2018”.

Shqipëria garon sonte me përfaqësues këngëtarin Eugent Bushpepa, i cili konkurron me këngën “Mall”.

Kënga ka pasur një pritshmëri nga publiku, ndërsa ka marrë kritika pozitive edhe në provat e festivalit.

Shqiptarët shpresojnë që kënga “Mall” do të jetë ajo e cila do të na dërgojë në finale këtë vit, për të shuar “mallin” e natës finale të këtij festivali, të cilin Shqipëria nuk e shijon që nga viti 2015.

Shtetet që do të konkurrojnë sonte në natën e parë gjysmëfinale të "Eurovision 2018" Shtetet që do të konkurrojnë sonte në natën e parë gjysmëfinale të "Eurovision 2018"

Ishte Elhaida Dani e fundit, e cila dërgoi Shqipërinë në finale në vitin 2015 me këngën “I’m Alive”, ndërsa në natën finale u rendit e 17-ta.

Në vitin 2016, Shqipëria u përfaqësua nga këngëtarja Eneda Tarifa në “Eurovision” me këngën “Fairytale”, ku edhe përpos performancës së bukur, këngëtarja nuk kishte arritur të kualifikohej për në finalen e atij edicioni, i cili mbahej në Stockholm.

Të njëjtin fat ka pasur edhe këngëtarja Lindita Halimi, e cila vitin e kaluar mori përsipër përfaqësimin e Shqipërisë në “Eurovision” me këngën “World”, mirëpo ëndrra e saj mbeti vetëm në gjysmëfinale, ngase kënga e saj nuk o votua mjaftueshëm nga publiku dhe juria.

Duket se Eugent Bushpepa do të jetë shpresa e radhës për shqiptarët, të cilët kanë “mall” për konkurrimin në finalen e “Eurovisionit”, e meqë “Mall” mban titullin edhe kënga përfaqësuese, shpresojmë që ky “mall” do të shuhet.

Të gjitha lajmet nga Eurovision Të gjitha lajmet nga Eurovision

Eugenti mban kodin 03, dhe për ta dërguar në finale nevojiten votat e shqiptarëve nga shtetet e Evropës, të cilat janë pjesëmarrëse në “Eurovision”. /Telegrafi/