Llapi ka marrë fitoren e parë në edicionin pranveror.

Skuadra bardhekaltër ka triumfuar me rezultat 3-1 ndaj Gjilanit në sfidën e zhvilluar në stadiumin Zahir Pajaziti.

Djelmoshat e Tahir Batatinës kanë qenë më të mirë në fushë që nga fillimi i ndeshjes deri në fund të saj.

Elvis Prenci shënoi golin e parë në ndeshje vetëm pas tre minutave lojë.

Me epërsinë prej 1-0 të vendasve përfunduan 45 minutat e para të kësaj ndeshje.

Llapi e nisi mirë edhe pjesën e dytë, ku realizuan në minutën e 47-të me Mentor Zhdrellën për 2-0.

Gjilani u rikthye në lojë pasi Gerhard Progni shënoi për ta ngushtuar epërsinë 2-1.

Krejt në fund të ndeshjes, vendasit realizuan për rezultatin përfundimtar 3-1 me Kushtrim Shabanin.

Me këtë fitore Llapi ngritët në pozitën e shtatë me 23 pikë. /Telegrafi/