Tifozët e faqes zyrtare të Ligës së Kampionëve kanë votuar tashmë duke zgjedhur formacionin më të mirë të kësaj jave.

Gjatë të martës dhe mërkurës janë zhvilluar ndeshjet kthyese çerekfinale në Ligën e Kampionëve.

Të martën u zhvilluan dy ndeshje, ku Paris Saint-Germain kaloi tutje pas humbjes 0-1 nga Bayern Munichu, ashtu siç u kualifikua edhe Chelsea pas humbjes 0-1 nga Porto. Kualifikimet e tyre erdhën shkaku i rezultateve pozitive në ndeshjet e para.

Në anën tjetër, të mërkurën Real Madridi ka barazuar 0-0 në Anfield ndaj Liverpoolit dhe ka kaluar tutje pas fitores 3-1 në ndeshjen e parë, ndërsa Manchester City ka fituar dy ndeshjet ndaj Borussia Dortmund me rezultatin e njëjtë 2-1.

Të gjitha lajmet rreth Ligës së Kampionëve Të gjitha lajmet rreth Ligës së Kampionëve

Shumë individë kanë pasur paraqitje të mira në këtë mesjavë, me disa që kanë shënuar gola, disa të tjerë që kanë bërë asistime dhe disa të tjerë që kanë qenë dominues në mbrojtje.

Tifozët e faqes zyrtare të Ligës së Kampionëve, sikurse në çdo javë, edhe këtë javë kanë votuar për më të mirët dhe kanë bërë disa zgjedhje befasuese.

Në portë, më i votuari ka qenë Alisson Becker, ndërsa në mbrojtje emra si Nacho, Fernancez, Chancel Mbemba, Jerome Boateng. Lucas Hernandez dhe David Alaba.

Në mesfushë, tifozët kanë zgjedhur emra si Jude Bellingham dhe Jorginho, ndërsa në sulm Maxim Chuopo-Moting mbështetet nga Riyad Mahrez dhe Phil Foden. /Telegrafi/