Robert Lewandowski është prezantuar të premten zyrtarisht si futbollist i ri i Barcelonës në një ceremoni solemne në stadiumin Camp Nou.

I njohuri Lewa u transferua në Barcelonë nga Bayern Munich për një shumë prej 45 milionë eurosh dhe 5 milionë euro tjera bonuse.

Ai ishte në prezantim me fëmijët dhe gruan e tij Annan.

Ndër të tjera ai pozoi për fotografët, përshëndeti tifozët dhe më pas u tregoi fansave aftësitë e tij me topin. Ai gëzoi tifozët e Barcelonës, tregoi lëvizje magjike dhe i ngriti të gjithë në këmbë.

Interesimi ishte i madh dhe Barcelona njoftoi se kishte 59,026 tifozë në tribunat e “Camp Nou”.

Reklama

Kjo shifër është shumë mbresëlënëse, pasi  Lewa u bë lojtari i dytë më i popullarizuar i Barcelonës për prezantim, menjëherë pas Zlatan Ibrahimovic.

Reklama

Kur Ibrahimović u prezantua në vitin 2009 në tribuna kishte 60,000 tifozë, saktësisht aq sa numri i biletave që u lëshuan në shitje.

Qëndrimi i suedezit nuk ishte i gjatë te Barcelona, pasi ai u largua pas një viti. /Telegrafi/