Lëndimi i Christopher Nkunku më serioz se që ishte menduar në fillim

Christopher Nkunku është njëri nga sulmuesit më në formë francez dhe me plotë meritë ai mori ftesën për në Kampionatin Botërorë.

Por ylli i RB Leipzig u largua nga Katari pasi u lëndua në një duel me Eduardo Camavingan.

Edhe pse fillimisht nuk u mendua për një lëndim të rëndë, pas ekzaminimeve shtesë ështëkuptuar se bëhet fjalë për një dëmtim shumë më serioz.

Mirëpo ditën e sotme është bërë e ditur se Nkunku ka pësuar një çarje të ligamentit të jashtëm në gjurin e majtë.

Klubi gjerman RB Leipzig ka preferuar të mos flasë për periudha rikuperimi, por sipas L’Equipe mund të jetë më shumë se dy muaj e gjysmë jashtë fushave.

25-vjeçari ishte duke kaluar nëpër një formë të jashtëzakonshme, ku në 23 ndeshje zyrtare shënoi 17 gola dhe asistoi në katër të tjerë.

Ylli i RB Leipzig pritet të rikthehet në fushat e blerta në fund të muajit janar të vitit 2023.

Kujtojmë që pas largimit të Nkunkus nga lista, trajneri Didier Deschamps ka ftuar Ronald Kolo Muanin e Eintracht Frankfurtit për ta zëvendësuar atë. /Telegrafi/