Shorti për çerekfinalet dhe gjysmëfinalet e Ligës së Evropës për sezonin 2021/22 do të mbahet nesër.

Kjo ngjarje do të zhvillohen nesër nga ora 13:30 më 18 mars në shtëpinë e UEFA-s në Nyon të Zvicrës.


Tetë skuadrat që kanë kaluar tutje

Në short do të jenë tetë skuadrat që kaluan tutje në çerekfinale nga ndeshjet e zhvilluara sot.

Atalanta, Barcelona, Braga, Eintracht Frankfurt, RB Leipzig, Lyon, Rangers dhe West Ham kanë siguruar kalimin tutje.


Si funksionon shorti për çerekfinalet dhe gjysmëfinalet e Ligës së Evropës?

Do të ketë një short të lirë për çerekfinalet, me numrat nga 1 deri në 4 për shortin gjysmëfinal. Do të hidhet edhe shorti për të përcaktuar në finale ekipin ‘vendas’ për arsye administrative.

Reklama
Reklama

Nuk ka kufizime për përballjet mes skuadrave.


Kur zhvillohen ndeshjet çerekfinale dhe gjysmëfinale të Ligës së Evropës?

Ndeshjet e para çerekfinale: 7 prill

Ndeshjet e dyta çerekfinale: 14 prill

Ndeshjet e para gjysmëfinale: 28 prill

Ndeshjet e dyta gjysmëfinale: 5 maj


/Telegrafi/