Katy Perry po kërkon të largohet nga roli i gjyqtares në “American Idol” pas gjashtë sezoneve

Katy Perry thuhet se dëshiron të tërhiqet si gjyqtare në “American Idol” sepse ndihet e keqinterpretuar nga shfaqja.

Sipas Daily Mail, ylli i popit 38-vjeçare beson se ajo është “prerë në besë nga producentët” të cilët mendon se e kanë redaktuar shfaqjen për ta bërë atë të duket si “gjyqtarja e keqe”.

Këngëtarja e “Last Friday Night” – e cila ka qenë pjesë e spektaklit për gjashtë sezonet e fundit – është kritikuar shumë herë në muajt e fundit për komentet që u ka bërë konkurrentëve.

Ajo u akuzua fillimisht për “turpërimin” e Sara Beth Liebe pasi bëri shaka se 25-vjeçarja nënë e tre fëmijëve ishte “shtrirë shumë në tavolinë”.

Liebe kritikoi shakanë “dëmtuese” të Perry në një video të TikTok pasi audicioni i saj u transmetua në mars, duke shtuar, “Unë mendoj se është mjaft e vështirë të jesh nënë dhe është mjaft e vështirë të jesh grua”.

Lexo po ashtu Katy Perry, Lionel Richie dhe Emma Thompson mes të famshmëve që po marrin pjesë në kurorëzimin e Mbretit Charles III

Më pas, në prill, Perry u brohorit nga publiku kur ajo kundërshtoi zgjedhjen e veshjes së konkurrentes Nutsa Buzaladze.

Gjyqtarët Lionel Richie dhe Luke Bryan u tronditën nga reagimi i audiencës.

“Hera e parë në gjashtë sezone”, u përgjigj Perry ndërsa tallja nga publiku u shua.

Ylli i “Teenage Dream” e gjeti veten përsëri në një situatë të sikletshme të njëjtin muaj kur u akuzua për mosrespektim ndaj një këngëtari pas eliminimit të konkurrentit të saj të preferuar, Elijah McCormick.

Tani thuhet se, artistja amerikane ka qenë e pakënaqur nga kritikat që i vijnë.

Perry dhe kolegu i saj gjyqtari Richie bënë një pushim të shkurtër këtë muaj nga seria e konkursit, ndërsa të dy performuan në koncertin e kurorëzimit të Mbretit Charles III në Londër. /Telegrafi/