Gjiko vjen me një reagim pas rastit të dhunimit të 11-vjeçares dhe rikthimit të akuzave ndaj tij: Secili po ia hedh fajin tjetrit, ma keni shqetësuar e tmerruar familjen

Reperi i njohur, Gjiko ka bërë një reagim mbi ngjarjen e tmerrshme të dhunimit të një 11-vjeçareje në Prishtinë nga pesë persona.

Përmes disa postime, reperi nga Peja ka thënë se përderisa po paragjykona si artistë për ndikim negative ndaj fëmijëve, ai tha se ata kanë qasje në faqe pornografike e nuk kanë asnjë pikë kontrolli nga prindërit.

“Ju që po na gjykoni neve si artistë për influencë të keqe a po e dini që fëmijët tuaj nëpër shtëpitë e juaja kanë qasje nëpër faqe pornografike 99% dhe nuk keni asnjë pikë kontrolli çka fëmijët tuaj bëjnë nëpër telefona e tableta. Edhe mos mendoni që na dëgjojnë vetëm neve artistëve shqiptarë por edhe artistët internacional. Sa i përket degjenerimit global, na jemi vrima e fundit e kavallit. Edhe mos harroni, ne bëjmë muzikë për të rritur e jo për fëmijë, shumica e projekteve janë për moshën mbi 16-vjeçare”, është shprehur reperi fillimisht.

“Askush nuk investon në programe televizive për fëmijë edhe adoleshent sepse nuk janë përfituese për këtë arsye, Fëmijë dhe adoleshent nuk kanë çfarë të bëjnë përveç se me shiku emisione për të rritur (debate, skandale, lajme, seriale ose ‘Mashen’ rusisht)”, tha tutje Gjiko.

Reperi ndërkohë tha se secili po shikon ta hedh fajin tek tjetri, duke mos marrë përgjegjësin që u takon.

“Çka kom vënë re këto ditë është që secili njëri-tjetrit po ia lenë fajin. Femrat po ua lënë meshkujve, meshkujt femrave, populli fajin qeverisë, e qeveria politikanëve, e politikani ja hedh fajin politikanit tjetër. Do të thotë faji gjithmonë jetim”, u shpreh artisti.

Lexo po ashtu Të gjitha lajmet nga Gjiko

Në një tjetër postim, krijuesi i hiteve ka folur edhe për akuzat ndaj tij që u rikthyen në vëmendje sërish.

“E sa më përket mua, më paskan përgojuar emrin prapë. Nuk ka dert. Më nuk foli për këtë rast por pres me fol gjykata. Të gjithë ju që po më paragjykoni, po më thoni pedofil, dhunues etj. Asnjëri nuk keni faj. Faj kanë ato portale që e kanë me mua personalisht. E faturën ata kanë me e la me ligj. E kam cekur edhe një herë që nuk e kam dhunuar e as droguar askënd e aq ma pak një të mitur. Një burrë i vërtetë flet një herë edhe nuk ka nevojë të gënjej. Për mu si të gënjesh si të dhunosh, e njëjta marre është. Falënderoj të gjithë ata që nuk janë duke më paragjykuar dhe po më mbështesin çdo ditë. Drejtësia ka me fol”, tha ndër tjera reperi. /Telegrafi/